1 Каднебӧг 23:26 - Коми Библия 2023

²⁶ Левитъяслы оз нин ков новлӧдлыны вежа чом да сэні кесъялан дозмук-кӧлуй».

1 Каднебӧг 23:26 Iomraidhean Croise

1 Каднебӧг 23:27

Давидлӧн бӧръя тшӧктӧмыс серти вӧлі лыддьӧдлӧма став левитсӧ, кодъяслы вӧлі кызь арӧс да унджык.

2 Каднебӧг 35:3

Господьлы вежӧдӧм-торйӧдӧм левитъяслы, Израиль войтырӧс туйдӧдысьяслы, Иосей шуис: «Тіянлы оз нин ков новлӧдлыны пельпом выланыд вежа кудсӧ, ӧд сійӧс сувтӧдӧма крамӧ, мый лэптіс Давидлӧн Соломон пиыс, израильса ӧксы. Ӧні кесъялӧй Господьлы, асланыд Енлы, да Сылӧн Израиль войтырлы.

Лыд 4:15

Израиль войтырлӧн туйӧ петтӧдзыс Аарон пияныскӧд мед вевттяласны став вежа дозмук-кӧлуйсӧ. Сӧмын та бӧрын вермасны матыстчыны Кааф пиян, медым нуны вежа дозмук-кӧлуйсӧ. Найӧ кӧ инмӧдчасны вевттьытӧм вежа дозмук-кӧлуй дінӧ, куласны. Вежа чомйын кесъялан дозмук-кӧлуйсӧ колӧ новлӧдлыны Кааф пиянлы.

Лыд 4:49

Господьлӧн тшӧктӧм серти Мӧисей быдӧнлы индіс, кодлы мый вӧчны да кутшӧм кӧлуй новлӧдлыны. Левитъясӧс вӧлі арталӧма-гижалӧма, кыдзи Господь тшӧктіс Мӧисейлы.

Лыд 4:5

Израиль войтырлӧн туйӧ петтӧдзыс Аарон пияныскӧд мед пырасны вежа чомйӧ, босьтасны ӧшӧдӧм дӧрасӧ да вевттясны сыӧн Йитӧд кудсӧ.

Лыд 7:9

Кааф пиянлы тарантасъяссӧ да ӧшъяссӧ эз сет, ӧд налы колӧ вӧлі новлӧдлыны вежа дозмук-кӧлуйсӧ асланыс пельпом вылын.

Индӧд 10:8

Сійӧ кадас Господь торйӧдіс Левий чужанкотырӧс, медым найӧ новлӧдлісны Господьлысь Йитӧд кудсӧ, кесъялісны Господь водзын [кевмысисны] да бурсиисны Сылӧн нимӧн. И тайӧ ӧніӧдз тадзи.