1 Каднебӧг 23:13 - Коми Библия 2023

¹³ Амрамлӧн вӧліны Аарон да Мӧисей пиян. Ааронӧс да сылысь пиянсӧ вӧлі вежӧдӧма, медым найӧ вӧліны вежасьыс-вежаӧсь, да пыр кежлӧ торйӧдӧма, медым найӧ сотісны висьяс Господь водзын, кесъялісны Сылы да бурсиисны Сылӧн нимӧн.

1 Каднебӧг 23:13 Iomraidhean Croise

1 Каднебӧг 23:12

Каафлӧн вӧлі нёль пи: Амрам, Ицгар, Хеврон да Узиэл.

1 Каднебӧг 6:3

Амрамлӧн вӧліны Аарон да Мӧисей пиян да Мирьям ныв. Ааронлӧн вӧліны Надав, Авиуд, Элазар да Итамар пиян.

1 Каднебӧг 6:34

Самуиллӧн – Элкан, Элканлӧн – Ерохам, Ерохамлӧн – Элиэл, Элиэллӧн – Тоах,

Псалтыр 106:16

Сійӧ кисьтіс ыргӧн дзиръяяс, жугліс кӧрт иганъяс.

Петӧм 28:36

Весалӧм зарниысь вӧч пӧвтор да вундалӧмӧн гиж сэтчӧ ”вежӧдӧма-торйӧдӧма Господьлы”.

Петӧм 29:44

Ме вежӧда вежа чомсӧ да висьпуктанінсӧ, вежӧда тшӧтш Ааронӧс да сылысь пиянсӧ, медым найӧ попъясӧн кесъяласны Меным.

Петӧм 6:20

Амрам босьтіс гӧтырӧ ассьыс Иокеведа тьӧтсӧ, коді чужтіс сылы Ааронӧс да Мӧисейӧс [да налысь Мирьям чойсӧ]. Амрам оліс сё комын сизим арӧсӧдз.

Левит 10:10

Кужӧй торйӧдны, мый вежа, а мый абу вежа, мый пеж, а мый сӧстӧм.

Лыд 18:1

Господь шуис Ааронлы: «Тэ, пияныд да батьыдлӧн рӧдыс нуанныд мыжсӧ, вежаин йылысь тшӧктӧмъяссӧ кӧ лоӧ торкӧма. А попъясӧн кесъялӧм йылысь тшӧктӧмъяссӧ кӧ лоӧ торкӧма, сэки мыжсӧ нуан тэ пияныдкӧд.

Лыд 26:59

гӧтырсӧ шуисны Иокеведа. Сійӧ вӧлі Левийлӧн ныв, коді чужис Египетын. Иокеведа чужтіс Амрамлы Ааронӧс, Мӧисейӧс да налысь Мирьям чойсӧ.

Лыд 3:27

Каафсянь петӧны Амрамлӧн, Ицгарлӧн, Хевронлӧн да Узиэллӧн рӧдъясыс.

Лука 1:9

Попъяслӧн лӧсьӧдӧм серти пудъясисны, и Закар пырис Господьлӧн крамӧ тшынӧдчыны.

Ап. уджъяс 13:2

Кор найӧ видзалӧмӧн кесъялісны Господьлы, Вежа Лов шуис: «Торйӧдӧй Меным Варнаваӧс да Савлӧс, Ме кори найӧс торъя удж вӧчны».

Римӧ 1:1

Гижӧ Павел, Исус Кристослӧн кесйӧг, Енмӧн корӧм апостол. Менӧ бӧрйӧма висьтавлыны Енлысь Бур Юӧрсӧ.

Галатӧ 1:15

Но Енмыс менӧ мам кынӧмсянь нин бӧрйӧма да Аслас буралӧмнас корӧма.

Индӧд 10:8

Сійӧ кадас Господь торйӧдіс Левий чужанкотырӧс, медым найӧ новлӧдлісны Господьлысь Йитӧд кудсӧ, кесъялісны Господь водзын [кевмысисны] да бурсиисны Сылӧн нимӧн. И тайӧ ӧніӧдз тадзи.

Индӧд 21:5

Сэтчӧ мед локтасны попъяс, Левийсянь чужысьяс, кодъясӧс Господь, тіян Енныд, бӧрйис, медым найӧ кесъялісны Сылы да бурсиисны Сылӧн нимӧн. Ӧд быдсикас вензьӧм да дойдӧм колӧ видлавны, сэсся мыждыны попъяслӧн шуӧм серти.

Еврейяслы 5:4

Морт оз вермы ачыс асьсӧ индыны аркирейӧн, тайӧс вермӧ вӧчны сӧмын Ен, коді тшӧтш Ааронӧс индіс аркирейӧн.

Восьтӧм 8:3

Сэсся матыстчис нӧшта ӧти андел да сувтіс тшынӧдчан висьпуктанін водзӧ. Киас сійӧ кутіс зарни тшынӧдчан доз. Сылы вӧлі сетӧма уна ладан, медым вежа войтырлӧн кевмысьӧмъяснас пуктыны сійӧс зарни тшынӧдчан висьпуктанін вылӧ, мый сулаліс юралан пуклӧс водзын.

Ӧксыяслӧн 1 небӧг 2:28

Ме бӧрйи тэнсьыд рӧдтӧ став Израиль чужанкотырысь да пукті найӧс попъясӧн, медым найӧ кесъялісны Меным висьпуктанін дорын, тшынӧдісны чӧскыд ӧвтанторъяс да новлісны ефод Ме водзын. Ме тшӧкті, мед тэнад рӧдыд босьтас Израиль войтырлӧн сотӧм висьясысь юкӧн.