1 Каднебӧг 22:4 - Коми Библия 2023

⁴ Нӧшта Давид дасьтіс лыдтӧм-тшӧттӧм сус пу керъяс, ӧд Сидонын да Тирын олысьяс вайисны сылы сус пу керсӧ лышкыда.

1 Каднебӧг 22:4 Iomraidhean Croise

Ӧксыяслӧн 2 небӧг 5:11

Тирса Хирам ӧксы мӧдӧдіс аслас йӧзкӧд Давидлы сус пуяс, тшӧтш тшупсьысьясӧс да изйысь вӧчасьысьясӧс. Найӧ лэптісны Давидлы ыджыд керка.

2 Каднебӧг 2:3

Тирса Хирам ӧксы дінӧ Соломон мӧдӧдіс йӧзӧс, медым найӧ висьталісны сылы: «Водзынджык тэ отсалін менам Давид батьлы – мӧдӧдлін сылы сус пуяс, медым вӧчны наысь аслыс керка.

Ездра 3:7

Изйысь да пуысь вӧчасьысьяслы израильсаяс сетісны сьӧм, а сёян-юан да вый сетісны сидонса да тирса йӧзлы, медым найӧ саридзті вайисны Иоппия карӧ Ливанысь сус пуяс. Персияса Кир ӧксы лэдзис вӧчны тайӧс.

Лыд 24:6

Чомъясныд паськӧдчӧны ковтысъяс моз, юбокса сад йӧръяс моз, Господьӧн пуктӧм алоэ пуяс моз, вадорса сус пуяс моз.