1 Каднебӧг 22:15 - Коми Библия 2023

¹⁵ Тэнад эм уна уджалысь, на пӧвстын эмӧсь из кералысьяс, изйысь да пуысь вӧчасьысьяс да уна мукӧд киподтуя йӧз.

1 Каднебӧг 22:15 Iomraidhean Croise

Ӧксыяслӧн 2 небӧг 5:11

Тирса Хирам ӧксы мӧдӧдіс аслас йӧзкӧд Давидлы сус пуяс, тшӧтш тшупсьысьясӧс да изйысь вӧчасьысьясӧс. Найӧ лэптісны Давидлы ыджыд керка.

Ӧксыяслӧн 3 небӧг 7:14

Сійӧ вӧлі Неффалим чужанкотырысь, дӧвалӧн пи. Батьыс сылӧн вӧлі ыргӧнысь вӧчасьысь. Хирам вӧлі зэв киподтуя, кужис вӧчавны ыргӧнысь быдсяматорсӧ. Хирам локтіс Соломон ӧксы дінӧ да вӧчис быд уджсӧ, мый сылы индыліс ӧксы.

1 Каднебӧг 22:14

Сьӧкыдлунъяс вылӧ видзӧдтӧг ме дасьті Господьлысь крамсӧ вӧчӧм вылӧ сё сюрс талант зарни да миллион талант эзысь, а ыргӧнсӧ да кӧртсӧ ме дасьті сы мында, мый веситнысӧ он вермы. Ме дасьті керъяс да изъяс, но тэ чукӧрт нӧшта на унджык.

1 Каднебӧг 22:16

Тэнад эм лыдтӧм-тшӧттӧм зарни, эзысь, ыргӧн да кӧрт. Босьтчы уджӧ, Господь лоӧ тэкӧд».

2 Каднебӧг 2:6

Но коді вермас лэптыны Сылы керка, весиг кӧ енэжыс да енэжвывса енэжъясыс оз вермыны тӧрӧдны Сійӧс? Коді ме сэтшӧмыс, медым лэптыны Сылы керка? Ме верма сӧмын вись сотӧм могысь лэптыны Сылы керка.

2 Каднебӧг 2:7

Сідзкӧ, мӧдӧд меным мортӧс, коді бура кужӧ вӧчасьны эзысь-зарниысь, ыргӧнысь, кӧртысь, кужӧ вӧчны пемыдгӧрд, югыдгӧрд да гӧрдовлӧз рӧма дӧра, бура кужӧ вундалӧмӧн серпасавны. Сійӧ кутас уджавны Иудаын да Ерусалимын олысь киподтуя йӧзкӧд, кодъясӧс индіс меным Давид батьӧй.

Петӧм 28:6

Зарни сунисысь, гӧрдовлӧз, пемыдгӧрд да югыдгӧрд вурун шӧртъясысь да путшкӧм шабді шӧртысь мед серлӧдлӧмӧн кыасны ефод.

Петӧм 35:32

Сійӧ кужӧ вӧчасьны зарниысь, эзысьысь да ыргӧнысь,

Петӧм 35:35

Господь сетіс налы мывкыдлун, медым найӧ [вежаин вӧчигӧн] кужисны вундасьны, серлӧдлӧмӧн кыны дӧра, серпасъясӧн мичмӧдны гӧрдовлӧз пемыдгӧрд, югыдгӧрд да вӧсни шабді шӧртъясысь кыӧм дӧраяс – вӧчны ставсӧ, мый кужӧны вӧчны киподтуя йӧз.