1 Каднебӧг 21:30 - Коми Библия 2023

³⁰ Давид эз вермы мунны сэтчӧ, медым шыасьны Енмыс дінӧ, ӧд Господьлӧн шыпурта анделыс ёна повзьӧдіс сійӧс.

1 Каднебӧг 21:30 Iomraidhean Croise

Ӧксыяслӧн 2 небӧг 6:9

Сійӧ лунӧ Давид ёна повзис Господьысь. Сійӧ шуис: «Ме ог вермы босьтны Господьлысь кудсӧ ас дінӧ».

1 Каднебӧг 13:12

Сійӧ лунӧ Давид ёна повзис Енмысь. Сійӧ шуис: «Ме ог вермы босьтны Енлысь кудсӧ ас дінӧ».

1 Каднебӧг 21:16

Давид лэптіс синсӧ да аддзис Господьлысь анделсӧ, коді сулаліс енэжа-муа костас. Киас сійӧ кутіс перйӧм шыпурт. Шыпуртсӧ вӧлі нюжӧдӧма Ерусалимлань. Давид да израильса юрнуӧдысьяс усисны чужӧм выланыс. Найӧ вӧлі пасьтасьӧмаӧсь шогалан паськӧмӧ.

1 Каднебӧг 21:29

Сійӧ кадас Господьлӧн вежа чомйыс, кодӧс Мӧисей вӧчис овтӧминын, да сотан висьяслы висьпуктаніныс вӧліны гаваонса ыб вылын.

1 Каднебӧг 22:1

Давид шуис: «Тані лоӧ Господь Енлӧн керкаыс, тайӧ висьпуктанін вылас Израиль войтыр кутасны сотны висьяс».

Иов 13:21

вештан ме вылысь Ассьыд китӧ да дугдан повзьӧдлыны менӧ.

Иов 21:6

Кор ме мӧвпала мекӧд лоӧмтор йылысь, менӧ дзӧрӧм босьтӧ, став вир-яйӧй тіралӧ.

Иов 23:15

Та вӧсна ме пола-тірала Сыысь, Сы йылысь мӧвпалігӧн менӧ полӧм босьтӧ.

Псалтыр 90:11

Аслас анделъяслы Господь тшӧктӧ видзны тэнӧ став тэнад туйяс вылын.

Еремей 10:7

Тэ – войтыръяслӧн Ӧксы, ставныс полӧны Тэысь, сӧмын Тэысь колӧ вежавидзнысӧ. Войтыръяслӧн мывкыдаяс пӧвстын Тэ кодьыс абу!

Еремей 5:22

Ті ӧмӧй онӧ полӧй Меысь, – висьталӧ Господь, – ті ӧмӧй онӧ тіралӧй Ме водзын? Лыасӧ Ме пукті саридзлы вежтасӧн, потши саридзсӧ нэмъяс кежлӧ, сы сайӧ саридз оз вермы вуджнысӧ. Гыясыс ӧдӧбӧн уськӧдчылӧны, но сэсся бӧр бергӧдчӧны, найӧ ызгӧны, но вежтассӧ вуджны оз вермыны.

Индӧд 10:12

«Израиль, мый виччысьӧ тіянсянь Господь, тіян Енныд? Виччысьӧ, медым ті полінныд Господьысь, асланыд Енмысь, ветлінныд Сылӧн туйясӧд, радейтінныд Сійӧс да кесъялінныд Сылы став сьӧлӧмнад да став олӧмнад.

Восьтӧм 1:17

Сійӧс аддзӧм бӧрын ме кулӧм морт моз уси Сылӧн кок улӧ. Но Сійӧ пуктіс ме вылӧ веськыд кисӧ да шуис: «Эн пов, Ме эм Медводдзаыс и Медбӧръяыс.

Восьтӧм 15:4

Господьӧй, сюрас-ӧ сэтшӧм морт, коді оз повзьы Тэысь, коді оз ошкы Тэнсьыд нимтӧ? Ӧд Тэ ӧтнадӧн вежаыс! Войтыръяс локтасны да копыртчасны Тэ водзӧ, ӧд воссис Тэнад веськыда мыждӧмыд!