1 Каднебӧг 21:23 - Коми Библия 2023

²³ Орнан шуис: «Ӧксыӧй-ыджыдӧй, босьт аслыд ставсӧ да вӧч, мый кӧсъян. Ассьым ӧшъясӧс ме сета сотан вись пыдди, доддьӧс – пес пыдди, шобдіӧс – нянь вись пыдди. Ставсӧ ме сета тэныд».

1 Каднебӧг 21:23 Iomraidhean Croise

Ӧксыяслӧн 3 небӧг 19:21

Елисей бӧр бергӧдчис видз-му вылас да начкис кык ӧшкӧс. Гӧрсӧ сотіс, а би вылас пражитіс ӧш яйсӧ да сетіс йӧзыслы. Найӧ сёйисны. Сэсся Елисей муніс Илля бӧрся да кутіс кесъявны сылы.

1 Каднебӧг 21:22

Давид шуис Орнанлы: «Вузав меным гумлатӧ сійӧ донсьыс, мыйта сійӧ сулалӧ. Ме сувтӧда сэтчӧ Господьлы висьпуктанін, медым Господь вештас войтырыс вылысь кулана висьӧмсӧ».

1 Каднебӧг 21:24

Но Давид ӧксы шуис Орнанлы: «Ог босьт, ме ньӧба. Ме ог вермы вайны Господьлы сійӧ, мый абу менам, ог вермы вайны вись пыдди сійӧ, мыйысь эг вештысь».

Еремей 32:8

Господьлӧн шуӧм серти ме дінӧ ӧксы керка видзысьяслӧн йӧрӧ локтіс дядьӧйлӧн Ханамел пиыс да шуис меным: ”Анатотысь, Венямин муысь, ньӧб аслыд менсьым видз-муӧс, ӧд тэныд позьӧ сійӧс ньӧбнысӧ”. Ме гӧгӧрвои, мый дзик та йылысь меным висьтавліс Господь.

Ӧксыяслӧн 1 небӧг 6:14

Тарантас воис Бет-Шемешын олысь Исуслӧн му вылӧ да сувтіс ыджыд из дорӧ. Тарантассӧ кералісны пес вылӧ, а мӧсъяссӧ вайисны Господьлы сотан вись пыдди.