1 Каднебӧг 17:12 - Коми Библия 2023

¹² Сійӧ лэптас Меным керка, и Ме зумыдмӧда сылысь юралӧмсӧ нэмъяс кежлӧ.

1 Каднебӧг 17:12 Iomraidhean Croise

Ӧксыяслӧн 3 небӧг 5:5

Ӧні ме кӧсъя лэптыны аслам Господь Енлы крам. Ӧд менам Давид батьлы на Господь шуліс: ”Тэнад пиыд, кодӧс Ме пуксьӧда тэ пыдди юралан пуклӧсад, лэптас Меным керка”.

Ӧксыяслӧн 3 небӧг 8:19

Но он тэ лэпты, а тэсянь чужысь пиыд лэптас Меным крам”.

1 Каднебӧг 17:11

Кор помасясны тэнад олан лунъясыд, и тэ вуджан аслад батьяс дінӧ, сэки Ме пукта ӧксыӧ тэсянь чужысьӧс да зумыдмӧда сылысь юралӧмсӧ.

1 Каднебӧг 17:13

Ме лоа сылы батьӧн, а сійӧ – Меным пиӧн. Ассьым буралӧмӧс ог босьт сы вылысь, кыдзи босьті морт вылысь, коді тэӧдз вӧлі ӧксыӧн.

Ездра 5:11

Найӧ вочавидзисны миянлы тадзи: ”Ми енэжын да му вылын ыджыдалысь Енлӧн кесйӧгъяс. Ми выльысь вӧчам крамсӧ, кодӧс вӧлі лэптӧма тані уна во сайын. Сійӧс лэптыліс Израильлӧн ыджыд ӧксы.

Псалтыр 72:17

кытчӧдз ме эг пыр Енлӧн вежаинӧ и эг гӧгӧрво, мый виччысьӧ лёк вӧчысьясӧс.

Псалтыр 89:4

Мортсӧ Тэ бӧр бергӧдан муӧ, Тэ шуан: «Мувывса йӧз, бӧр бергӧдчӧй муӧ».

Псалтыр 89:5

Тэнад син водзын сюрс воыс тӧрытъя кольӧм лун кодь, кар видзысьлӧн войся дӧзьӧритан кад кодь.

Исай 9:7

Сійӧ кутас пукавны Давидлӧн юралан пуклӧсын, Сылӧн ыджыдалӧмлы да лӧньлунлы помыс оз ло. Аслас веськыдлуннас да збыль серти мыждӧмнас Сійӧ ёнмӧдас-вынсьӧдас Ассьыс юралӧмсӧ ӧні и пыр кежлӧ. Тадзи вӧчас Господь Саваоф, ӧд Сійӧ – вежӧгтысь Ен.

Даниил 2:44

Тайӧ юралӧмас ыджыдалысь ӧксыяс дырйи енэжвывса Ен сувтӧдас сэтшӧм юралӧм, кодӧс оз ло бырӧдӧма и оз ло сетӧма мукӧд войтырлы. Тайӧ юралӧмыс жугӧдас да бырӧдас став воддза юралӧмсӧ, а ачыс лоӧ зумыд нэмъяс чӧж.

1 Коринфӧ 15:25

Кристослы шуӧма юравны сэтчӧдз, кытчӧдз Сійӧ оз пукты Аслас кок улӧ став паныд сувтысьсӧ.

Колосӧ 2:9

Кристосын, Сылӧн морт вир-яйын, тыдовтчис Енлӧн став тырвыйӧлуныс.

Восьтӧм 11:15

Кор сизимӧд анделыс тутсіс трубаӧ, енэжас кылісны гора шыяс. Найӧ шуалісны: – Став муюгыдыс лои миян Господьлӧн да Сылӧн Мавтыштӧмалӧн юраланінӧн. Сійӧ кутас юравны нэмъяс чӧж!