1 Каднебӧг 16:16 - Коми Библия 2023

¹⁶ Энӧ вунӧдӧй Сылысь Ӧвраамкӧд кӧрталӧм йитӧдсӧ, Исааклы сетӧм кывсӧ.

1 Каднебӧг 16:16 Iomraidhean Croise

Олӧм 12:7

Сэні Ӧврамлы петкӧдчис Господь да шуис: «Тайӧ мусӧ Ме сета тэсянь чужысьяслы». Ӧврам сувтӧдіс висьпуктанін Господьлы, коді петкӧдчис сылы.

Олӧм 15:18

Тайӧ лунӧ Господь кӧрталіс Ӧврамкӧд йитӧд. Господь шуис: «Египет юсянь ыджыд Ефрат юӧдз Ме сета тэсянь чужысьяслы тайӧ мусӧ,

Олӧм 17:2

Ме кӧртала тэкӧд йитӧд да сета тэсянь чужны унасьыс-уна войтырлы».

Олӧм 26:3

Кольччы татчӧ. Ме бурсиа тэнӧ да лоа тэкӧд. Тэныд да тэсянь чужысьяслы сета ставнас тайӧ мусӧ, збыльмӧда Ӧвраам батьыдлы сетӧм кывйӧс.

Олӧм 35:11

Нӧшта Ен шуис сылы: – Ме – Ставсӧвермысь Ен. Рӧдмы-чужтысь, тэсянь петасны войтыръяс, тэсянь чужасны ӧксыяс.

Ӧксыяслӧн 2 небӧг 6:12

Давидлы висьталісны, Енлӧн куд вӧсна пӧ Господь бурсиӧма Овед-Эдомӧс, сылысь гортсасӧ да ставсӧ, мый сылӧн эм. Сэки Давид нимкодясьӧмӧн вайис Енлысь кудсӧ Овед-Эдомлӧн керкаысь аслас Давид карӧ.

1 Каднебӧг 16:15

Некор энӧ вунӧдӧй Сылысь тіянкӧд кӧрталӧм йитӧдсӧ, Сылысь кывсӧ, мый Сійӧ пыр кежлӧ сетіс водзӧ чужысьяслы.

Неемий 9:8

Тэ аддзин, мый сылӧн сьӧлӧмыс эскана Тэ водзын. Тэ кӧрталін сыкӧд йитӧд, мед сетны [сылы да] сысянь чужысьяслы ханаан, хеттей, аморей, перезей, евус да гергесей войтырлысь муяссӧ. Ассьыд кывтӧ Тэ кутін, ӧд Тэ – веськыд.

Петӧм 3:15

Ен нӧшта шуис Мӧисейлы: «Висьтав Израиль пиянлы, мый Господь, налӧн батьяслӧн Ен, Ӧвраамлӧн Ен, Исааклӧн Ен да Яковлӧн Ен, мӧдӧдіс тэнӧ на дінӧ. Чужысьяссянь чужысьясӧдз Менӧ кутасны шуны Господьӧн. Тайӧ Менам нимӧй пыр кежлӧ.

Ап. уджъяс 3:25

Ті – пророкъяслӧн ныв-пи, тіянлы вуджӧ йитӧдыс, мый Ен кӧрталіс тіян батьяскӧд, кор шуис Ӧвраамлы: ”Тэсянь чужысь пыр вуджас бурсиӧмыс мувывса быд войтырлы”.

Индӧд 7:8

Господь бӧрйис тіянӧс сы вӧсна, мый радейтӧ тіянӧс да вӧчӧ тіян батьяслы кыв сетӧмыс серти. Та вӧсна Господь вына кинас [да ён сойнас] мездіс тіянӧс фараонлӧн, египетса ӧксылӧн, нартитӧм улысь.