1 Каднебӧг 15:3 - Коми Библия 2023

³ Став Израиль войтырӧс Давид чукӧртіс Ерусалимӧ, медым Господьлысь кудсӧ вуджӧдны местаас, мый Давид дасьтіс кудлы.

1 Каднебӧг 15:3 Iomraidhean Croise

Ӧксыяслӧн 2 небӧг 6:12

Давидлы висьталісны, Енлӧн куд вӧсна пӧ Господь бурсиӧма Овед-Эдомӧс, сылысь гортсасӧ да ставсӧ, мый сылӧн эм. Сэки Давид нимкодясьӧмӧн вайис Енлысь кудсӧ Овед-Эдомлӧн керкаысь аслас Давид карӧ.

Ӧксыяслӧн 2 небӧг 6:17

Господьлысь кудсӧ вайисны да пуктісны аслас местаӧ, Давидӧн сувтӧдӧм чом шӧрӧ. Та бӧрын Давид вайис Господьлы сотан да бурасян висьяс.

Ӧксыяслӧн 3 небӧг 8:1

Соломон ӧксы корис ас дінас Ерусалимӧ израильса юрнуӧдысьясӧс, быд чужанкотырысь юралысьӧс да рӧдкутысьясӧс, медым вайны Давид карысь, мӧд ногӧн кӧ, Сионысь, Господьлысь Йитӧд кудсӧ.

1 Каднебӧг 13:2

Сійӧ шуис чукӧртчӧм Израиль войтырлы: «Тайӧ кӧ Господьсянь, миян Енсянь, да шогмана тіянлы, сідзкӧ, Израиль му пасьтала мӧдӧдам юӧр миян вокъяслы, тшӧтш попъяслы да левитъяслы налӧн кар-сиктъясӧ, медым чукӧртчасны миян дінӧ.

1 Каднебӧг 13:5

Египетса Шихор ю дорсянь Лево-Хаматӧдз Давид чукӧртіс став Израиль войтырӧс, медым вайны Енлысь кудсӧ Киръят-Яримысь.

1 Каднебӧг 15:1

Давидлӧн карын Давид вӧчис аслыс керкаяс, дасьтіс Енлӧн кудлы места да вӧчис чом, медым кудсӧ пуктыны сэтчӧ.

1 Каднебӧг 15:12

Налы шуис: «Ті, левитъяслӧн рӧдкутысьяс, вежӧдӧй-сӧстӧммӧдӧй асьнытӧ да вокъяснытӧ, сэсся вайӧй Израильлӧн Господь Енлысь кудсӧ сійӧ местаас, мый ме дасьті сылы.

1 Каднебӧг 16:1

Енлысь кудсӧ вайисны да пуктісны Давидӧн сувтӧдӧм чом шӧрӧ. Та бӧрын вайисны Енлы сотан да бурасян висьяс.

2 Каднебӧг 1:2

Соломон корис ас дінас Израиль му пасьталаысь тышкайӧзлысь юралысь-веськӧдлысьясӧс, ёрдысьясӧс, войтырлысь юралысьясӧс да рӧдкутысьясӧс.

2 Каднебӧг 1:4

Водзынджык Давид вуджӧдіс Енлысь кудсӧ Киръят-Яримысь Ерусалимӧ, кӧні сійӧ сувтӧдіс кудйыслы чом.

2 Каднебӧг 5:2

Соломон корис Ерусалимӧ израильса юрнуӧдысьясӧс, быд чужанкотырысь юралысьӧс да рӧдкутысьясӧс, медым вайны Давид карысь, мӧд ногӧн кӧ, Сионысь, Господьлысь Йитӧд кудсӧ.

Петӧм 40:20

Мӧисей пуктіс кудйӧ Индӧд изпӧвъяс. Кудлӧн кольчаясӧ сюйис потшъяс да куд вылӧ пуктіс вевтсӧ.

Левит 9:5

Израиль пиян вайисны вежа чом водзӧ ставсӧ, мый тшӧктіс Мӧисей. Став войтырыс локтіс да сувтіс Господь водзӧ.