1 Каднебӧг 15:29 - Коми Библия 2023

²⁹ Кор Господьлысь Йитӧд кудсӧ пыртісны Давид карӧ, Сауллӧн Мелкола нылыс видзӧдіс ӧшиньӧдыс. Сійӧ аддзис, мый Давид ӧксы чеччалӧ-йӧктӧ, да омӧльтіс сійӧс ас пытшкас.

1 Каднебӧг 15:29 Iomraidhean Croise

Ӧксыяслӧн 2 небӧг 6:16

Кор Господьлысь кудсӧ пыртісны Давид карӧ, Сауллӧн Мелкола нылыс видзӧдіс ӧшиньӧдыс. Сійӧ аддзис, мый Давид ӧксы чеччалӧ-йӧктӧ Господь водзын, да омӧльтіс сійӧс ас пытшкас.

1 Каднебӧг 15:28

Тадзи буксан да труба шы улӧ гораа нимкодясьӧмӧн, кимвалӧн, арфаӧн да гуслиӧн ворсӧмӧн став Израиль войтыр вуджӧдіс Господьлысь Йитӧд кудсӧ.

1 Каднебӧг 17:1

Кор Давид оліс аслас ыджыд керкаын, сійӧ шуис Нафан пророклы: «Кывзы, ме ачым ола сус пуысь вӧчӧм керкаын, а Господьлӧн Йитӧд кудйыс сулалӧ чомйын».

Псалтыр 149:3

Ошкӧй Сылысь нимсӧ йӧктӧмӧн, сьылӧй Сылы тимпанӧн да гуслиӧн ворсӧмӧн.

Псалтыр 150:4

Ошкӧй Сійӧс тимпан шы улӧ йӧктӧмӧн, ошкӧй Сійӧс струнаа ворсанторйӧн да пӧлянӧн!

Псалтыр 30:11

Шогын помасьӧ менам олӧмӧй, бӧрдӧмӧн тырӧма олан лунъясӧй. Аслам мыж вӧсна ме дзикӧдз вынтӧмми, менам лыясӧй косьмисны.

Петӧм 15:20

Мирьям пророк, Ааронлӧн чойыс, босьтіс тимпан, сы бӧрся мукӧд аньыс тимпанӧн тшӧтш петісны сьывны-йӧктыны.

Еклесиаст 3:4

эм кад бӧрдны и серавны, шогсьыны и йӧктыны,

Еремей 3:16

Кор ті соданныд да рӧдманныд тайӧ му вылас, – висьталӧ Господь, – сэки оз нин кутны сёрнитны Господьлӧн Йитӧд куд йылысь, оз нин кутны мӧвпавны сы йылысь, оз казьтыштны да оз гажтӧмтчыны сы вӧсна. Кудсӧ выльысь оз нин вӧчны.

Еремей 30:19

Сэтысь бара кутас кывны аттьӧалӧм да гажӧдчысьяслӧн гӧлӧс шыныс. Ме рӧдмӧда найӧс, и налӧн лыдыс оз кут чинны. Ме нимӧда найӧс, и найӧс оз кутны увтыртны.

Еремей 33:11

нимкодясьӧм да гажӧдчӧм, кутас кывны верӧспулӧн да гӧтырпулӧн гӧлӧс шыныс. Бара кутас кывны Господьлӧн крамӧ аттьӧалана вись вайысьяслӧн гӧлӧс шыныс. Найӧ кутасны шуавны: ”Ошкӧй Господь Саваофӧс, ӧд Сійӧ бур, Сылӧн буралӧмыс оз помасьлы!” Тайӧ муас олысьяслы Ме бара сета воддза кодьыс бур олӧм, – висьталӧ Господь.

Лыд 10:33

Господьлӧн керӧс дорысь мӧдӧдчӧм бӧрын Израиль войтыр мунісны куим лун чӧж. Господьлысь Йитӧд кудсӧ найӧ нуисны водзвыланыс, медым сійӧ петкӧдлас шойччанін.

Ап. уджъяс 2:13

А мукӧдыс сералісны, юмов винаысь пӧ коддзӧмаӧсь.

1 Коринфӧ 2:14

Морт пытшкас кӧ абу Енлӧн Лолыс, сійӧ оз вермы сибӧдны Ловсянь висьталӧмсӧ да лыддьӧ тайӧс йӧйталӧмӧн. Мортыс оз вермы гӧгӧрвоны висьталӧмсӧ, ӧд тайӧс позьӧ донъявны сӧмын Енлӧн Лолыс отсӧгӧн.

2 Коринфӧ 5:13

Ми кӧ ас вежӧрынӧсь – тайӧ тіянлы, абу кӧ – Енмыслы.

Индӧд 31:26

«Босьтӧй тайӧ Индӧд небӧгсӧ да пуктӧй сійӧс асланыд Господь Енлӧн Йитӧд кудкӧд орччӧн, медым Индӧдыс серти тіянӧс лыддьыны мыжаӧн.

Еврейяслы 9:4

Сэні вӧліны зарниысь вӧчӧм тшынӧдчан висьпуктанін да зарниӧн эжӧм Йитӧд куд. Тайӧ кудсӧ вӧлі быд боксянь эжӧма зарниӧн. Куд пытшкас вӧліны манна тыра зарни доз, Ааронлӧн дзоридзалысь бедь да йитӧдлӧн изпӧвъяс.

Нав Исус 4:7

Сэки ті висьталӧй налы: ”Тайӧ изъясыс казьтывлӧны сы йылысь, мый [став му пасьтала ыджыдалысь] Господьлӧн Йитӧд куд водзын Йӧрдан юын ваыс шӧри потіс. Йӧрдан ю вомӧн кудсӧ вуджӧдігӧн ваыс вешйис”. Тайӧ изъясыс лоӧны Израиль пиянлы пыр кежлӧ казьтыланпасӧн».

Ёрдысьяс 20:27

Сійӧ кадас Енлӧн Йитӧд кудйыс вӧлі Вефильын, и Пинес, Ааронлӧн Элазар пиыслӧн пиыс, кесъяліс сы водзын. Израиль пиян юалісны Господьлысь: «Колӧ-ӧ миянлы бара на петны тышӧ Венямин чужанкотырлы, миян вокъяслы, паныд?» Господь шуис: «Петӧй. Аски Ме сета найӧс тіян киӧ».

Ӧксыяслӧн 1 небӧг 25:44

А Саул сетіс ассьыс Мелкола нывсӧ, Давидлысь воддза гӧтырсӧ, галлимса Лаишлӧн Палти пи сайӧ.

Ӧксыяслӧн 1 небӧг 4:3

Кор израильса тышкайӧз бӧр косісны асланыс чукӧртчанінӧ, израильса юрнуӧдысьяс шуисны: «Мый понда Господь талун лэдзис филистимсаяслы вермыны миянӧс? Мунамӧй да ваямӧй Силом карысь Господьлысь Йитӧд кудсӧ. Кудйыс кӧ лоӧ миян ордын, сійӧ мездас миянӧс вӧрӧг киысь».