1 Каднебӧг 14:2 - Коми Библия 2023

² Давидлы вӧлі гӧгӧрвоана, мый Аслас Израиль войтыр вӧсна Господь пуктіс сійӧс ӧксыӧ да зумыдмӧдіс сылысь юралӧмсӧ Израильын.

1 Каднебӧг 14:2 Iomraidhean Croise

Ӧксыяслӧн 2 небӧг 7:16

Тэнад рӧдыд да ӧксыалӧмыд пыр кежлӧ лоӧ Ме водзын зумыд. Тэнад юралан пуклӧсыд кутас сулавны нэмъяс чӧж».

Ӧксыяслӧн 2 небӧг 7:8

Висьтав Менам Давид кесйӧглы, мый шуӧ Господь Саваоф. Ме босьті тэнӧ ыж йирсянінысь, кӧні тэ видзин ыжъясӧс, да пукті ӧксыӧ Аслам Израиль войтырлы.

Ӧксыяслӧн 3 небӧг 10:9

Ошкӧм Господьлы, тэнад Енлы! Аслас кӧсйӧм серти Сійӧ пуксьӧдіс тэнӧ Израильлӧн юралан пуклӧсӧ. Господь дугдывтӧг радейтӧ Израиль войтырӧс, та вӧсна пуктіс тэнӧ ӧксыӧ, медым тэ юралін да мыждін веськыда».

1 Каднебӧг 14:1

Тирса Хирам ӧксы мӧдӧдіс аслас йӧзкӧд Давидлы сус пуяс, тшӧтш изйысь вӧчасьысьясӧс да тшупсьысьясӧс, медым лэптыны Давидлы ыджыд керка.

1 Каднебӧг 14:3

Ерусалимын Давид босьтіс нӧшта аслыс гӧтыръясӧс. Сылӧн чужисны нӧшта на ныв-пи.

1 Каднебӧг 17:17

Но тайӧ, вӧлӧмкӧ, Тэнад абу на ставыс, Енмӧй! Тэ нӧшта висьталін, мый виччысьӧ Тэнад кесйӧглысь рӧдсӧ. Господьӧй Енмӧй, Тэ видзӧдан ме вылӧ вывті тӧдчана морт вылӧ моз.

2 Каднебӧг 2:10

Тэнад кесйӧгъяслы, кодъяс кутасны пӧрӧдны вӧр, ме сета пӧткӧдчӧм вылӧ кызь сюрс мешӧк шобді, кызь сюрс мешӧк ид, кызь сюрс бат мында вина да кызь сюрс бат мында олив вый».

2 Каднебӧг 2:11

Тирса Хирам ӧксы мӧдӧдіс Соломонлы гижӧд: «Господь радейтӧ Ассьыс войтырсӧ, та вӧсна пуктіс тэнӧ налы ӧксыӧ».

Эсфир 4:14

Тэ кӧ ӧні пондан чӧв овны, отсӧгыс да мездмӧмыс иудейяслы воас мӧдласянь. А тэнӧ да тэнад батьлысь рӧдсӧ бырӧдасны. Гашкӧ, дзик тайӧ кадыс вӧсна тэ и лоин ӧксы гӧтырӧн».

Даниил 2:30

А меным тайӧ гусяторсӧ восьтӧма абу сы понда, мый ме быттьӧ му вылас став олысьяс дорысь мывкыдаджык, но восьтӧма сы понда, медым тэныд, ӧксыӧй, гӧгӧрвоӧдны вӧттӧ, и медым тэ тӧдмалін, мый йылысь тэ мӧвпалін.

Лыд 24:7

Тіян пельсаясысь ваыс оз бырлы, пуктӧм кӧйдыснытӧ юкталас ва. Тіян ӧксыныд лоӧ Агагысь ыджыдджык, сылысь юралӧмсӧ лоӧ вылӧ кыпӧдӧма.

Индӧд 28:1

«[Йӧрдан ю сайӧ, Господьӧн, тіян Енмӧн, сетӧм муӧ вуджӧм бӧрын] ті кӧ кутанныд кывзысьны Господьлысь, асланыд Енлысь, да овны Сылӧн став тшӧктӧмыс серти, мый талун висьтала тіянлы, сэки Господь, тіян Енныд, кыпӧдас тіянӧс мувывса став мукӧд войтырысь медвылӧ.