1 Каднебӧг 14:15 - Коми Библия 2023

¹⁵ Кор тэ кылан шы, быттьӧ пуяс йывті кодкӧ восьлалӧ, сэки уськӧдчы. Тӧд, мый Енмыс мунӧ тэ водзвылын, медым пасьвартны филистимса тышкайӧзӧс».

1 Каднебӧг 14:15 Iomraidhean Croise

Ӧксыяслӧн 2 небӧг 5:23

Давид шыасис Господь дінӧ. [Шуис: «Петны-ӧ меным филистимсаяслы паныд тышӧ? Сетан-ӧ найӧс менам киӧ?»] Господь шуис: «Воча налы эн пет. Кытшав найӧс бӧрсяньныс да матыстчы на дінӧ пуяс сайсянь.

Ӧксыяслӧн 4 небӧг 19:7

Ме ыста ассурса ӧксы пытшкӧ сэтшӧм лов, мый юӧр кылӧм бӧрти сійӧ бӧр бергӧдчас аслас муӧ. Сэні Ме вӧча сідзи, мый сійӧ кулас шыпурт помысь”».

Ӧксыяслӧн 4 небӧг 7:6

Господь вӧчис сідзи, мый арамейяс кылісны тарантас шыяс, вӧвъяслысь гӧрдлӧм да уна тышкайӧзлысь шы. Арамейяс шуалісны ӧта-мӧдныслы: «Израильса ӧксы, буракӧ, медаліс хеттейяслысь да египетсаяслысь ӧксыясӧс, мед уськӧдчыны миян вылӧ».

1 Каднебӧг 14:14

Давид шыасис Енмыс дінӧ. Енмыс шуис: «Воча налы эн пет. Кытшав найӧс бӧрсяньныс да матыстчы на дінӧ пуяс сайсянь.

1 Каднебӧг 14:16

Давид вӧчис, кыдзи тшӧктіс сылы Ен. Израильсаяс пасьвартісны филистимсаясӧс Гаваонсянь Гезерӧдз.

Исай 13:4

Керӧсъяс вылын кылӧ гора шы, сійӧ уна йӧзлӧн ызгысь шы кодь, кылӧ ӧтвыв чукӧртчӧм войтыръяслӧн шы. Господь Саваоф чукӧртӧ Ассьыс тышкайӧзсӧ.

Левит 26:36

Тіян пӧвстысь ловйӧн кольӧмаяс кутасны овны вӧрӧглӧн муын. Сэні Ме тіян сьӧлӧмӧ пукта полӧм. Коръяслӧн кышакылӧмысь ті пышъянныд шыпуртысь моз да усянныд, кӧть вӧтӧдысьыс оз ло.

Ап. уджъяс 2:2

виччысьтӧг енэжсянь кыліс ыджыд тӧвнырлӧн кодь шы. Шыыс тыртіс ставнас керкасӧ, кӧні найӧ пукалісны.

Индӧд 20:4

Ӧд Господь, тіян Енныд, тышӧ петас тіянкӧд ӧтвылысь, медым тіян пыдди тышкасьны вӧрӧгныдкӧд да сетны тіянлы вермӧм”.

Ёрдысьяс 4:14

Сэки Девора шуис Вараклы: «Пет тышӧ! Талун Господь сетас Сисарӧс тэнад киӧ. Ачыс Господь мунас тэ водзвылын». Варак лэччис Тавор керӧсысь, сы бӧрся лэччис дас сюрс морт.

Ёрдысьяс 7:15

Гедеон мыйӧн кыліс вӧт йылысь сёрнисӧ, копыртчӧмӧн юрбитіс Господьлы, сэсся бӧр локтіс израильса тышкайӧз дінӧ. Гедеон шуис налы: «Петамӧй тышӧ! Господь сетіс тіян киӧ мадиансаясӧс».

Ёрдысьяс 7:9

Сійӧ войнас Господь шуис Гедеонлы: «Лэччы да уськӧдчы мадиансаяс вылӧ, ӧд Ме сета найӧс тэнад киӧ.