1 Каднебӧг 14:1 - Коми Библия 2023

¹ Тирса Хирам ӧксы мӧдӧдіс аслас йӧзкӧд Давидлы сус пуяс, тшӧтш изйысь вӧчасьысьясӧс да тшупсьысьясӧс, медым лэптыны Давидлы ыджыд керка.

1 Каднебӧг 14:1 Iomraidhean Croise

Ӧксыяслӧн 2 небӧг 7:2

Ӧтчыд ӧксы шуис Нафан пророклы: «Кывзы, ме ачым ола сус пуысь вӧчӧм керкаын, а Енлӧн кудйыс сулалӧ чомйын».

Ӧксыяслӧн 3 небӧг 5:1

Кор тирса Хирам ӧксы тӧдмаліс, мый Соломонӧс мавтыштӧмӧн пуктӧмаӧсь ӧксыӧ батьыс пыдди, мӧдӧдіс сы дінӧ ассьыс кесйӧгъяссӧ. Хирам Давидкӧд пыр вӧліны ёртъясӧн.

Ӧксыяслӧн 3 небӧг 5:15

Нӧшта Соломонлӧн вӧліны уджалысьяс – сизимдас сюрс морт, кодъяс кыскалісны-ваялісны изъяс, и кӧкъямысдас сюрс морт, кодъяс кералісны-перйисны изъяс.

Ӧксыяслӧн 3 небӧг 5:18

Соломонлӧн йӧзыс лӧсалісны изъяссӧ Хирамлӧн йӧзкӧд да гевалсаяскӧд ӧтлаын. Тадзи [куим во чӧж] найӧ дасьтісны керъяс да изъяс Ен керка лэптӧм вылӧ.

Ӧксыяслӧн 3 небӧг 5:6

Сідзкӧ, тшӧкты пӧрӧдны Ливанысь сус пуяс. Менам кесйӧгъяс тшӧтш кутасны уджавны тэнад кесйӧгъяскӧд. Ме мынтыся тэнад йӧзлы, мыйтӧм шуан. Тэ ӧд ачыд тӧдан, мый сидонса кодь бур пӧрӧдчысьясыс менам абуӧсь».

1 Каднебӧг 14:2

Давидлы вӧлі гӧгӧрвоана, мый Аслас Израиль войтыр вӧсна Господь пуктіс сійӧс ӧксыӧ да зумыдмӧдіс сылысь юралӧмсӧ Израильын.

1 Каднебӧг 17:1

Кор Давид оліс аслас ыджыд керкаын, сійӧ шуис Нафан пророклы: «Кывзы, ме ачым ола сус пуысь вӧчӧм керкаын, а Господьлӧн Йитӧд кудйыс сулалӧ чомйын».

1 Каднебӧг 22:2

Давид тшӧктіс чукӧртны ставнысӧ, кодъяс локтісны йӧз муысь да овмӧдчисны Израиль муӧ. Сійӧ пуктіс найӧс керавны-перйыны изъяс Енлысь крамсӧ лэптӧм вылӧ.

2 Каднебӧг 2:2

Сійӧ индіс сизимдас сюрс мортӧс кыскавны-ваявны изъяс, кӧкъямысдас сюрс мортӧс керавны-перйыны изъяс, а куим сюрс квайтсё мортӧс индіс уджалысьяс бӧрся видзӧдны.

2 Каднебӧг 2:3

Тирса Хирам ӧксы дінӧ Соломон мӧдӧдіс йӧзӧс, медым найӧ висьталісны сылы: «Водзынджык тэ отсалін менам Давид батьлы – мӧдӧдлін сылы сус пуяс, медым вӧчны наысь аслыс керка.

Ездра 3:7

Изйысь да пуысь вӧчасьысьяслы израильсаяс сетісны сьӧм, а сёян-юан да вый сетісны сидонса да тирса йӧзлы, медым найӧ саридзті вайисны Иоппия карӧ Ливанысь сус пуяс. Персияса Кир ӧксы лэдзис вӧчны тайӧс.