1 Каднебӧг 12:17 - Коми Библия 2023

¹⁷ Давид паныдаліс найӧс татшӧм кывъясӧн: «Ті кӧ локтінныд ме дінӧ лӧньлунӧн да кӧсъянныд отсавны меным, сідзкӧ, ме лоа тіянлы ёртӧн. А локтінныд кӧ вузавны менӧ вӧрӧглы, миян батьяслӧн Ен мед аддзас тайӧс да мыждас тіянӧс, ӧд ме некодӧс эг ви, эг дзескӧд».

1 Каднебӧг 12:17 Iomraidhean Croise

Олӧм 31:42

Эз кӧ вӧв мекӧд батьӧйлӧн Енмыс, Ӧвраамлӧн Енмыс, кодысь тшӧтш Исаак полӧ, тэ эськӧ ыстін менӧ куш киӧн. Енмыс аддзис менсьым мырсьӧмӧс да сьӧкыдалӧмӧс, та вӧсна дорйис менӧ войнас».

Олӧм 31:53

Миян костын ёрдысьыс Ӧвраамлӧн да Нахорлӧн Ен, налӧн батьлӧн Ен». Яков кыв сетіс Ен водзын, кодысь поліс сылӧн Исаак батьыс.

Ӧксыяслӧн 3 небӧг 2:13

Адоний, Агиталӧн пиыс, локтіс Соломонлӧн Вирсавия мам дінӧ [да копыртчис сылы]. Вирсавия юаліс: «Бур могӧн-ӧ тэ локтін?» Мӧдыс вочавидзис: «Бур могӧн».

Ӧксыяслӧн 4 небӧг 10:15

Еху водзӧ муніс да паныдасис Рекавлӧн Ионадав пикӧд. Чолӧмасигас Еху шуис сылы: «Менам сьӧлӧмӧй восьса тэныд, а тэнад?» Ионадав вочавидзис: «Менам сьӧлӧмӧй тшӧтш восьса тэныд». «Тадзи кӧ, вай меным китӧ», – шуис Еху. Ионадав мыччис кисӧ, а Еху отсаліс сылы кайны аслас тарантасӧ.

Ӧксыяслӧн 4 небӧг 9:22

Ехуӧс аддзигӧн Иорам юаліс: «Бур могӧн-ӧ тэ локтан, Еху?» Мӧдыс вочавидзис: «Кутшӧм бур вермас лоны тані, кор тэнад Езавель мамыд быдлаын паськӧдӧ зывӧк идолъяслы юрбитӧм да тшыкӧдчӧм?»

1 Каднебӧг 12:16

Венямин да Иуда чужанкотырысь йӧз локтісны Давид дінӧ, сылӧн дзебсясянінӧ.

1 Каднебӧг 12:18

Сэки Енлӧн Лолыс лэччис Амасай вылӧ, комын тышкамортӧн веськӧдлысь вылӧ, и сійӧ шуис: Ми – тэнад йӧз, Давид, ми тэкӧд, Ессейлӧн пи! Лӧнь олӧм тэныд, лӧнь олӧм тэнад отсасьысьяслы! Тэнад Енмыд отсалӧ тэныд. Давид сибӧдіс локтысьясӧс да пуктіс найӧс веськӧдлыны тышкайӧзӧн.

Псалтыр 7:6

Ме кӧ мыжми, дзескӧдысь мед вӧтӧдас менӧ, мед суӧдас да талялас менсьым олӧмӧс няйтӧ, мед бус йыв кыпӧдас менсьым нималӧмӧс.

Еремей 32:39

Ме сета налы ӧти кӧсйӧм да ӧти туй, медым став олӧм чӧжныс найӧ вежавидзӧмӧн полісны Меысь, ӧд тайӧ лоӧ налы да налӧн челядьлы бур вылӧ.

Закар 3:2

Господь шуис сӧтаналы: «Господь ӧлӧдӧ тэнӧ, сӧтана. Господь, коді бӧрйис Ерусалимӧс Аслас карӧн, тшӧктӧ ланьтны тэныд. Абу-ӧ тайӧ мортыс биысь перйӧм сэрапом кодь?»

Ап. уджъяс 4:32

Эскысьяс ставныс вӧліны ӧти лолаӧсь да ӧти сьӧлӧмаӧсь. Некод ассьыс эмбурсӧ эз лыддьы асласӧн, ставыс налӧн вӧлі ӧтувъя.

1 Коринфӧ 1:10

Вокъяс, кора тіянӧс миян Господь Исус Кристос нимӧн: ас костаныд энӧ юксьӧй, олӧй ӧти мӧвпъясӧн, ӧти видзӧдласӧн да ӧти могӧн.

2 Коринфӧ 13:11

Вокъяс, нӧшта висьтала тіянлы: нимкодясьӧй, вежсьӧй бурланьыс, сибӧдӧй меньсьым ышӧдана кывъясӧс, олӧй лӧня да ӧти сьӧлӧмӧн. Сэки муслунсӧ да лӧньлунсӧ сетысь Ен лоас тіянкӧд.

Филипӧ 1:27

Сӧмын олӧй шогмана ногӧн, Кристослӧн Евангелльӧыс серти. Ме ог тӧд, верма-ӧ локны тіян дінӧ али ог вермы, аддза-ӧ тіянӧс али ог аддзы, но кӧсъя кывны, мый ті оланныд ӧти лолӧн да ӧтвылысь тышкасянныд Бур Юӧрӧ эскӧм вӧснаныд.

1 Петыр 2:23

Сійӧс лёкӧдігӧн Сійӧ воча эз лёкӧд. Сьӧкыдсӧ нуигӧн эз кӧсйысь мынтысьны лёк вӧчӧмӧн, а ставсӧ сетіс веськыда Мыждысьлы.

Иуда 1:9

Кор Микаил архангел вензис омӧлькӧд Мӧисей шой йылысь, сійӧ эз лысьт лёкӧдны-мыждыны омӧльӧс. Сӧмын шуис: «Господь мед ӧлӧдас тэнӧ».

Ӧксыяслӧн 1 небӧг 16:4

Самуил вӧчис, кыдзи тшӧктіс сылы Господь. Кор сійӧ локтіс Виплиемӧ, карса юрнуӧдысьяс полігтыр вочаалісны сійӧс да юалісны: «Бур могӧн-ӧ локтін миян дінӧ?»

Ӧксыяслӧн 1 небӧг 18:1

Давидлӧн Саулкӧд сёрнитӧм бӧрын Ионафан став сьӧлӧмнас кӧртасис Давид дінӧ, кутіс радейтны сійӧс асьсӧ моз.

Ӧксыяслӧн 1 небӧг 18:3

Ионафан асьсӧ моз радейтіс Давидӧс, та вӧсна кӧрталіс сыкӧд йитӧд.