1 Каднебӧг 12:15 - Коми Библия 2023

¹⁵ Буретш тайӧ веськӧдлысьясыс вуджисны Йӧрдан ю медводдза тӧлысьнас, кор Йӧрдан ю вӧлі ойдӧма, да вӧтлісны ковтысын олысьясӧс асыввывладорсьыс и рытыввывладорсьыс.

1 Каднебӧг 12:15 Iomraidhean Croise

1 Каднебӧг 12:16

Венямин да Иуда чужанкотырысь йӧз локтісны Давид дінӧ, сылӧн дзебсясянінӧ.

Еремей 12:5

– Еремей, тэ кӧ мудзан подӧн мунысьяскӧд восьлалігӧн, кыдзи тэныд панласьны вӧвъяскӧд? Тэ кӧ крукасьлан-усьласян шыльыд му вывті восьлалігӧн, мый лоӧ тэкӧд Йӧрдан ю ойдігӧн?

Еремей 49:19

Йӧрдан юдорса вӧрысь веж йирсянінӧ петысь лев моз Ме виччысьтӧг вӧтла эдомсаясӧс асланыс муысь. Ме пукта налы юралысьӧ сійӧс, кодӧс Ме бӧръя. Эм-ӧ кодкӧ Ме кодьыс? Коді вермас тшӧктыны Менӧ вочавидзны ёрд водзын? Сюрас ӧмӧй сэтшӧм юралысь, коді вермас Меным паныд кыпӧдчыны?

Нав Исус 3:15

Вӧлі нянь вундан кад. Йӧрдан ю сэки ойдлӧ. Но кор [Господьлысь Йитӧд] куд нуысь попъяс тувччисны Йӧрдан юӧ,

Нав Исус 4:18

Господьлысь Йитӧд куд нуысь попъяс петісны Йӧрдан юысь. Налӧн кокныс сӧмын тувччис Йӧрдан ю берегас, юын ваыс важ мозыс кутіс ёна визувтны.