1 Каднебӧг 11:16 - Коми Библия 2023

¹⁶ Давид вӧлі сайӧдчанінын, а филистимсаяслӧн тышкакотырыс – Виплиемын.

1 Каднебӧг 11:16 Iomraidhean Croise

Ӧксыяслӧн 2 небӧг 5:17

Кор филистимсаяс тӧдмалісны, мый Давидӧс мавтыштӧмӧн пуктӧма ӧксыӧ Израиль войтырлы, сэки петісны корсьны сійӧс. Та йылысь кылӧм бӧрын Давид муніс изкарӧ.

1 Каднебӧг 11:17

Давидлӧн горшыс кутіс косьмыны. Сійӧ шуис: «Коді эськӧ ваяс меным юкмӧсысь ва Виплием дзиръя дорысь!»

Псалтыр 142:1

Давидлӧн псалом. [Давид лӧсьӧдіс тайӧ сьыланкывсӧ, кор Авессалом пиыс вӧтлысис сы бӧрся.] Господьӧй, кыв менсьым кевмысьӧмӧс, кывзы менсьым кевмӧмӧс да вочавидз меным, ӧд Тэ эскана да веськыд!

Ӧксыяслӧн 1 небӧг 10:5

Та бӧрти тэ воан Енлӧн керӧс вылӧ, кӧні сулалӧны филистимса тышкайӧз [асланыс юралысьяскӧд]. Карас пыригад тэ паныдасян вись ваян мыльк вылысь лэччысь пророкъяскӧд. Ставныс найӧ пророкалӧны, а на водзвылын мунӧны арфаӧн, тимпанӧн, пӧлянӧн да гуслиӧн ворсысьяс.

Ӧксыяслӧн 1 небӧг 13:23

Филистимсаяслӧн водзын мунысь тышкакотырыс сувтіс Микмас кардорса сёртасӧ.

Ӧксыяслӧн 1 небӧг 13:4

мый Саул пасьвартӧма филистимса тышкакотырӧс, и филистимсаяс лӧгалӧны израильсаяс вылӧ. Та йылысь кылӧм бӧрын став Израиль войтырыс чукӧртчис Саул дінӧ Галгалӧ.

Ӧксыяслӧн 1 небӧг 22:1

Давид пышйис Геф карысь да дзебсис Адуллам кар дорӧ кырта горсйӧ. Кор та йылысь тӧдмалісны вокъясыс да став сылӧн рӧдыс, локтісны сы дінӧ.

Ӧксыяслӧн 1 небӧг 22:4

Давид вайӧдіс бать-мамсӧ моавса ӧксы дінӧ. Найӧ кольччисны сы ордӧ, кытчӧдз Давид эз пет сайӧдчанінысь.

Ӧксыяслӧн 1 небӧг 22:5

Но Гад нима пророк шуис Давидлы: «Пет сайӧдчанінысь да мун Иуда муӧ». Сэки Давид муніс херетса вӧрӧ.

Ӧксыяслӧн 1 небӧг 23:25

Саул муніс аслас йӧзкӧд корсьны Давидӧс. Кор Давидлы юӧртісны та йылысь, сійӧ муніс Маон овтӧминса изкыртаӧ да кольччис сэтчӧ. Саул тӧдмаліс та йылысь да вӧтчис Давид бӧрся.