1 Иоан 5:19 - Коми Библия 2023

¹⁹ Тӧдам, мый ми Енсянь, а став муюгыдыс омӧльыслӧн кипод улын.

1 Иоан 5:19 Iomraidhean Croise

Лука 4:6

Сэсся шуис: «Сета Тэныд став мусӧ мичлун-озырлуннас, ӧд ставсӧ тайӧс сетӧма меным. Ме верма сетны сійӧс кодлы кӧсъя.

Иоан 12:31

Ӧні тайӧ муюгыдсӧ лоӧ мыждӧма, муюгыдас ыджыдалысьсӧ лоӧ вӧтлӧма.

Иоан 14:30

Ог нин уна сёрнит тіянкӧд, ӧд тайӧ муюгыдас ыджыдалысьыс локтӧ нин. Ме вылын сійӧ ыджыдавны оз вермы.

Иоан 16:11

Мыждӧмыс сыын, мый тайӧ муюгыдас ыджыдалысьсӧ мыждӧма нин.

Иоан 17:15

Ог кевмы босьтны найӧс муюгыдсьыс, но кевма, мед Тэ видзин найӧс омӧльысь.

Римӧ 8:16

Ачыс Лолыс висьталӧ миян ловлы, мый ми Енлӧн ныв-пи.

2 Коринфӧ 1:12

Ми ошйысям, мый тайӧ муюгыдас олысьяскӧд, торйӧн нин тіянкӧд, вӧлім восьсаӧсь да веськыдӧсь, олім Енлысь кывзысьӧмӧн. Та вӧсна миян сьӧлӧмным оз мыжды миянӧс. Ми ӧд эгӧ асланым мывкыд серти олӧй, миянӧн веськӧдліс Енлӧн буралӧмыс.

2 Коринфӧ 4:4

Найӧ оз эскыны, ӧд тайӧ муюгыдас ыджыдалысь омӧльыс пемдӧдӧма налысь вежӧрсӧ, мед найӧ эз аддзыны Бур Юӧрлысь югыдсӧ, коді восьтӧ Кристослысь дзирдлунсӧ, а Кристос эм Енлӧн пертасыс.

2 Коринфӧ 5:1

Ми тӧдам: тайӧ мувывса чомйыс, миян вир-яйным, кӧ киссяс, Енмыс сетас миянлы енэжас оланін – киӧн вӧчтӧмӧс, бырлытӧмӧс.

Галатӧ 1:4

Ен Батьнымлӧн кӧсйӧмыс серти Кристос сетіс Асьсӧ миян мыжъяс вӧсна, медым мездыны миянӧс лёкнас тырӧм муюгыдсьыс.

Ефесӧ 2:2

Ӧд водзынсӧ ті олінныд тайӧ муюгыдсаыс моз, енэж улас ыджыдалысь антуслысь кывзысьӧмӧн. Тайӧ пеж лолыс ӧнӧдз на веськӧдлӧ кывзысьтӧмъясӧн.

2 Тимофейлы 1:12

Дзик та вӧсна ме ӧні сьӧкыдсӧ и нуа да ог яндысь таысь, ӧд ме тӧда, кодлы ме эска. Тӧда, Сійӧ вына видзны меным сетӧмасӧ Аслас локтан лунӧдз.

Титлы 3:3

Ми ӧд асьным коркӧ вӧлім вежӧртӧмӧсь да кывзысьтӧмӧсь, вошӧмаӧсь олӧмас, сетчӧмаӧсь ыштӧмас да быдпӧлӧс ковтӧм гажӧдчӧмас. Олім лёк пытшкас, вежалім, вӧлім мустӧмӧсь, да мукӧдсӧ тшӧтш мустӧмтім.

Яков 4:4

Гозъякост олӧм пежалысьяс, ті ӧмӧй онӧ тӧдӧй, мый мувывсакӧд ӧтувтчысь Енлы паныд сувтӧ? Сідзкӧ, коді кӧсйӧ ӧтувтчыны мувывсакӧд, сійӧ Енлы паныд сувтӧ.

1 Иоан 3:14

Ми вуджим кулӧмысь олӧмӧ. Ми тӧдам тайӧс, ӧд радейтам вокъяснымӧс. Коді оз радейт воксӧ, кольӧ кулӧмас.

1 Иоан 3:24

Коді кутчысьӧ Сылӧн тшӧктӧмъясӧ, сійӧ олӧ Кристос пытшкын, а Кристос – сы пытшкын. Ловсянь, кодӧс Кристос сетіс миянлы, ми тӧдам, мый Сійӧ миян пытшкын.

1 Иоан 5:10

Коді эскӧ Ен Пилы, сылӧн сьӧлӧмас эм тайӧ висьталӧмыс. Коді оз эскы Енмыслы, пуктӧ Сійӧс пӧръясьысь туйӧ, ӧд тайӧ мортыс оз эскы Пи йывсьыс Енлӧн висьталӧмыслы.

1 Иоан 5:13

Тайӧс гижи тіянлы, Ен Пи нимӧ эскысьяслы, мед ті тӧдінныд, мый Ен Пилы эскӧмныд вӧсна тіян эм помтӧм олӧм.

1 Иоан 5:15

А тӧдам кӧ, мый Сійӧ кылӧ миянлысь быд корӧм, тӧдам тшӧтш, мый Сійӧ сетас корӧмасӧ.

1 Иоан 5:18

Ми тӧдам, мый Енсянь чужысьяс мыжсӧ оз вӧчны. Енсянь чужысь видзӧ асьсӧ, да омӧльыс оз вермы инмӧдчыны сы дінӧ.

1 Иоан 5:20

Нӧшта тӧдам, мый Ен Пи локтіс да сетіс миянлы мывкыдлун, мед ми тӧдім збыль Енсӧ. И ми олам тайӧ збыльыс пытшкын, Исус Кристос Пиыс пытшкын. Сійӧ эм збыль Енмыс да помтӧм олӧмыс.

Восьтӧм 12:9

Ыджыд гундырӧс, важ змейӧс, вӧлі шыбитӧма му вылӧ. Сылӧн нимыс – омӧль да сӧтана, сійӧ – муюгыдысь став йӧзсӧ ылӧдлысь. Сыкӧд тшӧтш вӧлі шыбитӧма му вылас сылысь анделъяссӧ.

Восьтӧм 20:3

Андел шыбитіс сійӧс пыдӧстӧминӧ да йигналіс сэтчӧ. А петанінсӧ тупкис печатьӧн, медым гундыр эз пет да эз ылӧдлы войтыръясӧс, кытчӧдз оз помась сюрс воыс. Та бӧрти сійӧс лоӧ лэдзӧма дженьыд кад кежлӧ.