1 Иоан 4:7 - Коми Библия 2023

⁷ Мусаясӧй, кутам радейтны ӧта-мӧднымӧс, ӧд муслуныс Енсянь. Коді радейтӧ, сійӧ Енсянь чужӧма да тӧдӧ Енсӧ.

1 Иоан 4:7 Iomraidhean Croise

Иоан 13:34

Выль тшӧктӧм сета тіянлы: радейтӧй ӧта-мӧднытӧ! Кыдзи Ме радейта тіянӧс, сідзи ті радейтӧй ӧта-мӧднытӧ.

Иоан 17:3

Помтӧм олӧмыс – тайӧ тӧдны Тэнӧ, ӧти збыль Енмӧс, да Тэӧн мӧдӧдӧм Исус Кристосӧс.

1 Коринфӧ 8:3

Но мортыслы кӧ Енмыс муса, Енмыс тӧдӧ сійӧс.

2 Коринфӧ 4:6

Енмыс, коді тшӧктіс пемыдас ӧзйыны югыдыслы, югдӧдіс миянлысь сьӧлӧмнымӧс, медым ми вермим аддзыны Енлысь дзирдлунсӧ Исус Кристос чужӧмбанысь.

Галатӧ 4:9

Но ӧні ті тӧданныд Енсӧ, бурджык шуны, Енмыс тӧдӧ тіянӧс. Сідзкӧ, мыйла ті бӧр бергӧдчанныд муюгыдса ковтӧм жеб вынъяс дінӧ да важ мозыс бара кӧртасянныд сэтчӧ?

Галатӧ 5:22

Ловлӧн вотӧсыс – муслун, нимкодьлун, лӧньлун, терпитӧм, мелілун, бурлун, эскӧм,

Индӧд 30:6

Господь, тіян Енныд, вундыштас тіянлысь да тіянсянь чужысьяслысь сьӧлӧмсӧ, медым ті радейтінныд Господьӧс, ассьыныд Ентӧ, став сьӧлӧмнад да став олӧмнад. Сэки ті кутанныд овны,

2 Тимофейлы 1:7

Енмыс ӧд сетіс миянлы эз полӧмыслысь лов, а выныслысь, муслуныслысь да бур мывкыдыслысь лов.

1 Петыр 1:22

Лов отсӧгӧн збыльыслысь кывзысьӧмӧн ті сӧстӧмминныд, медым восьса сьӧлӧмӧн верминныд радейтны мукӧд эскысьӧс. Сідзкӧ, сьӧлӧмсяньныд радейтӧй ӧта-мӧднытӧ.

1 Иоан 2:10

Воксӧ радейтысь ветлӧ югыдас, да сы пытшкын крукӧдыс абу.

1 Иоан 2:29

Ті кӧ тӧданныд, мый Сійӧ веськыд, тӧдӧй: веськыда вӧчысь Сысянь чужӧма.

1 Иоан 2:3

Олам кӧ Сылӧн тшӧктӧмъяс серти, тайӧн петкӧдлам, мый ми тӧдам Сійӧс.

1 Иоан 2:4

Коді шуӧ, ме пӧ тӧда Сійӧс, но торкӧ Сылысь тшӧктӧмъяссӧ, сійӧ пӧръясьӧ, да сы пытшкын збыльыс абу.

1 Иоан 2:7

Мусаяс, гижа тіянлы ог выль, а важ тшӧктӧм. Сійӧс ті тӧданныд водзысяньыс нин. Тайӧ кывсӧ, важ тшӧктӧмсӧ, ті кывлінныд водзынджык нин.

1 Иоан 3:9

Енсянь чужысь оз вӧч мыжсӧ, сы пытшкӧ бур кӧйдыс вужъясьӧма. Татшӧмыс мыжсӧ вӧчны оз вермы, ӧд сійӧ Енсянь чужӧма.

1 Иоан 4:11

Мусаясӧй, Енмыс кӧ татшӧма радейтӧ миянӧс, миянлы тшӧтш колӧ радейтны ӧта-мӧднымӧс.

1 Иоан 4:12

Енсӧ некод некор эз аддзыв. Но ми кӧ радейтам ӧта-мӧднымӧс, сідзкӧ, Енмыс миян пытшкын да Сылӧн муслуныс тыр-бурӧдз воис сьӧлӧманым.

1 Иоан 4:16

Ми тӧдмалім Енлысь миян дінӧ муслунсӧ да эским Сылӧн муслунас. Енмыс эм муслун. Коді олӧ муслун пытшкас, сійӧ Ен пытшкын, а Енмыс сы пытшкын.

1 Иоан 4:20

Коді шуӧ, ме пӧ радейта Енсӧ, но мустӧмтӧ ассьыс воксӧ, сійӧ пӧръясьӧ. Оз кӧ радейт воксӧ, кодӧс аддзӧ, вермас-ӧ радейтны Енсӧ, кодӧс оз аддзы?

1 Иоан 4:8

Коді оз радейт, сійӧ оз тӧд Енсӧ, ӧд Енмыс эм муслун.

1 Иоан 5:1

Эскам кӧ, мый Исус эм Кристос, ми Енсянь чужӧмаӧсь. Муса кӧ миянлы Чужтысьыс, муса и Сысянь чужысьыс.

2 Иоан 1:5

Ӧні менам татшӧм корӧм, дона аньӧй, медым ми радейтім ӧта-мӧднымӧс. Тайӧ тшӧктӧмыс абу выль, сійӧ миян водзысяньыс нин вӧлі.