1 Иоан 3:24 - Коми Библия 2023

²⁴ Коді кутчысьӧ Сылӧн тшӧктӧмъясӧ, сійӧ олӧ Кристос пытшкын, а Кристос – сы пытшкын. Ловсянь, кодӧс Кристос сетіс миянлы, ми тӧдам, мый Сійӧ миян пытшкын.

1 Иоан 3:24 Iomraidhean Croise

Иоан 10:38

А вӧча кӧ, эскӧй кӧть Менам уджъясӧ, Меным онӧ эскӧй да. Сэки ті тӧдмаланныд да эсканныд, мый Батьӧй Ме пытшкын, а Ме – Сы пытшкын».

Иоан 14:17

Тайӧ Дорйысьыс – Збыльыслӧн Лолыс. Муюгыдыс оз аддзы да оз тӧд Сійӧс, та вӧсна оз вермы сибӧдны. Ті тӧданныд Сійӧс, ӧд Сійӧ тіянкӧд да тіян пытшкын.

Иоан 17:21

Кевмыся, мед найӧ ставныс лоасны ӧтвыв. Кыдзи Тэ, Батьӧй, Ме пытшкын, а Ме – Тэ пытшкын, тадзи мед найӧ лоасны ӧтвыв Миян пытшкын. Сэки муюгыдыс эскас, мый Тэ Менӧ мӧдӧдін.

1 Коринфӧ 3:16

Ті ӧмӧй онӧ тӧдӧй, мый ті – Енлӧн оланін, мый Енлӧн Лолыс олӧ тіян пытшкын.

1 Коринфӧ 6:19

Ті ӧмӧй онӧ тӧдӧй, мый тіян вир-яйныд – Вежа Ловлӧн крамыс, мый Вежа Лолыс олӧ тіян пытшкын. Тайӧ Ловсӧ Енмыс сетіс тіянлы, ӧні ті абу нин асланыдӧсь.

2 Коринфӧ 6:16

Вермасны ӧмӧй сулавны идолъяс Енлӧн крамын? Ӧд ті – ловъя Енлӧн крамыс. Енмыс шуӧ: – Овмӧдча на пытшкӧ да понда ветлыны накӧд. Ме лоа налӧн Енмӧн, а найӧ – Менам войтырӧн.

1 Фессалоникаӧ 4:8

Сідзкӧ, тайӧ тшӧктӧмсӧ ӧтдортысь оз мортӧс ӧтдорт, а Енсӧ, коді сетіс миянлы Ассьыс Вежа Ловсӧ.

2 Тимофейлы 1:14

Видз тэныд сетӧм бурсӧ Вежа Лов отсӧгӧн, коді олӧ сьӧлӧманым.

1 Иоан 2:24

Сідзкӧ, мый ті кывлінныд водзысяньыс, сійӧ мед олас тіян пытшкын. Тайӧ кӧ лоӧ тіян пытшкын, сэки Пиыс да Батьыс пытшкын лоанныд.

1 Иоан 2:3

Олам кӧ Сылӧн тшӧктӧмъяс серти, тайӧн петкӧдлам, мый ми тӧдам Сійӧс.

1 Иоан 2:5

Коді олӧ Сылӧн кывйыс серти, сы пытшкын збыльысь Енлӧн муслуныс воӧма тыр-бурӧдз. Та серти тӧдам, мый ми Сы пытшкынӧсь.

1 Иоан 2:6

Сылы, коді шуӧ, ме пӧ Сы пытшкын, колӧ овны Сы моз.

1 Иоан 3:22

Сэки мый корам, босьтам Сысянь, ӧд олам Сылӧн тшӧктӧмъяс серти да вӧчам Сылы шогманасӧ.

1 Иоан 4:7

Мусаясӧй, кутам радейтны ӧта-мӧднымӧс, ӧд муслуныс Енсянь. Коді радейтӧ, сійӧ Енсянь чужӧма да тӧдӧ Енсӧ.