1 Иоан 3:12 - Коми Библия 2023

¹² Огӧ лоӧй Каин кодьӧсь, ӧд сійӧ вӧлі омӧльсяньыс да виис ассьыс воксӧ. Мыйла виис? Каинлӧн уджъясыс вӧліны лёкӧсь, а вокыслӧн – веськыдӧсь.

1 Иоан 3:12 Iomraidhean Croise

Олӧм 4:25

Адам бара узис гӧтырыскӧд. Гӧтырыс чужтіс пиӧс да пуктіс сылы Сиф ним. Ева шуис: «Авель пыдди, кодӧс виис Каин, Енмыс сетіс меным тайӧ кагасӧ».

Ӧксыяслӧн 2 небӧг 13:22

Авессалом дугдіс сёрнитны Амнонкӧд, ӧд сійӧ ёна мустӧмтіс Амнонӧс Фамар чойсӧ янӧдӧмысь.

Псалтыр 37:12

Дойясӧй вӧсна менам ёртъясӧй да муса йӧзӧй ылыстчисны меысь, менам матыссаяс ӧтдортчисны.

Шусьӧгъяс 27:4

Чорыда скӧрмӧм-ярмӧмтӧ сувтӧдны сьӧкыд, вежӧгтӧмтӧ нинӧм оз сувтӧд.

Шусьӧгъяс 29:10

Вир кисьтысьяс мустӧмтӧны сӧстӧма олысьӧс, веськыда олысьяс тӧждысьӧны сы вӧсна.

Шусьӧгъяс 29:27

Веськыда олысь зывӧктӧ лёк вӧчысьӧс, а лёк вӧчысь – веськыда олысьӧс.

Матвей 13:19

Мортыс кылӧ Енлӧн Юралӧм йылысь да оз гӧгӧрво. Сы дінӧ локтӧ омӧльыс да гусялӧ сьӧлӧмас кӧдзӧмасӧ. Тайӧс петкӧдлӧ туй бокӧ усьӧм кӧйдыс.

Матвей 13:38

Кӧдза муыс – муюгыдыс. Бур кӧйдысыс – Енлӧн йӧзыс, ёг туруныс – омӧльлӧн йӧзыс.

Матвей 23:35

Тадзи тіянӧс мыждасны став веськыда олысьыслӧн вирысь: веськыда олысь Авель вирсянь да Варакейлӧн Закар пи вирӧдз, кодӧс ті виинныд крам да висьпуктанін костын.

Матвей 27:23

«Мый лёксӧ Сійӧ вӧчис?» – юаліс Пилат. Йӧзыс гораджыка на горзісны: «Тувъявны Сійӧс!»

Матвей 5:37

Тіян ”да”-ныд мед лоӧ сӧмын ”да”, тіян ”ог”-ныд мед лоӧ сӧмын ”ог”, а содтӧд кывъясыс – омӧльсяньыс».

Лука 11:51

Авель вирсянь да Закар вирӧдз, кодӧс виисны висьпуктанін да крам костын. Висьтала тіянлы: ӧнія олысьяслы ковмас мынтысьны таысь.

Иоан 10:32

Сійӧ шуис налы: «Батьлӧн тшӧктӧм серти Ме уна бур удж вӧчи тіян пӧвстын. Кутшӧм уджысь нӧ кӧсъянныд изъявны Менӧ?»

Иоан 8:40

Ме висьталі тіянлы Енсянь кывлӧм збыльсӧ, а ті кӧсъянныд вины Менӧ. Ӧвраам тадзи эз вӧчлы.

Иоан 8:41

Ті вӧчанныд батьныд ног». Иудейяс шуисны Исуслы: «Ми абу чуркаяс. Миян эм ӧти Бать, тайӧ Ен».

Ап. уджъяс 7:52

Эз вӧв пророк, кодӧс эськӧ эз вӧтлыны тіян батьяс. Найӧ виисны пророкъясӧс, кодъяс висьталісны Веськыда Олысьлӧн локтӧм йылысь. Тайӧ Веськыда Олысьсӧ ті вузалінныд да виинныд.

1 Фессалоникаӧ 2:14

Вокъяс, мый вӧлі Иудеяын Исус Кристослы эскысь вичкояскӧд, тайӧ лои тшӧтш тіянкӧд. Сэні Ен вичкояс уна сьӧкыд нуисны иудейяссянь, а ті – ас войтырсянь.

Еврейяслы 11:4

Эскӧмӧн Авель вайис Енлы бурджык вись Каин дорысь. Авельлӧн эскӧм вӧсна Енмыс сибӧдіс сылысь висьсӧ да лыддис сійӧс веськыдӧн. Эскӧмыс вӧсна Авель весиг кулӧм бӧрас сёрнитӧ.

Еврейяслы 12:24

Ті матыстчинныд Выль Йитӧдсӧ кӧрталысь Исус дінӧ да Сылӧн сӧстӧммӧдысь вир дінӧ. Сылӧн вирыс Авельлӧн вир дорысь бурджыксӧ висьталӧ.

1 Петыр 4:4

Ӧні ентӧдтӧмъяс шензьӧны, мый ті онӧ нин олӧй на моз лэдзчысьӧмӧн. Та вӧсна найӧ лёкӧдӧны тіянӧс.

1 Иоан 3:8

А мыжсӧ вӧчысь – омӧльсянь, ӧд омӧльыс водзысянь мыжсӧ вӧчӧ. Та вӧсна Ен Пи и локтіс, мед жугӧдны омӧльыслысь уджъяссӧ.

Иуда 1:11

Курыд шог налы! Найӧ мунӧны Каин туйӧд, горшасьӧны сьӧм вылӧ, Валаам моз ылалӧмаӧсь. Корей моз найӧ паныд кыпӧдчӧны, та вӧсна Корейӧс моз найӧс лоӧ бырӧдӧма.

Восьтӧм 17:6

Ме аддзи, мый аньыс вӧлі коддзӧма вежа войтырлӧн да Исус йылысь висьталысьяслӧн вир юӧмысь. Сійӧс аддзӧм бӧрын ме ёна шензи.