1 Иоан 2:29 - Коми Библия 2023

²⁹ Ті кӧ тӧданныд, мый Сійӧ веськыд, тӧдӧй: веськыда вӧчысь Сысянь чужӧма.

1 Иоан 2:29 Iomraidhean Croise

Еремей 13:23

– Вермас-ӧ эфиопияса морт вежны аслас кучиклысь рӧмсӧ, леопард – ассьыс чутъяссӧ? Ті, кодъяс велалінныд вӧчны лёксӧ, верманныд-ӧ вӧчны бурсӧ?

Закар 9:9

Долыда нимкодясь, Сион ныв, кыпыда гажӧдчы, Ерусалим ныв! Видзӧд, Ӧксыыд локтӧ тэ дінӧ! Сійӧ веськыда вӧчысь да вына мездысь, Сійӧ рам сьӧлӧма, локтӧ осёл вылын, пукалӧ осёл чань вылын.

Иоан 1:13

Найӧ чужисны эз вирсянь, эз морт кӧсйӧмсянь, эз верӧс кӧсйӧмсянь, а чужисны Енсянь.

Иоан 7:18

Коді ассяньыс висьталӧ, сійӧ аслыс ошкӧмсӧ корсьӧ. Коді тӧждысьӧ, медым ошкӧмыс вичмис Сійӧс Мӧдӧдысьлы, Сійӧ збыльсӧ висьталӧ да оз ылӧдчы.

Ап. уджъяс 10:35

Быд войтыр пӧвстысь Сійӧ сибӧдӧ найӧс, кодъяс олӧны веськыда да Сыысь полӧмӧн.

Ап. уджъяс 22:14

Сійӧ шуис меным: ”Миян батьяслӧн Ен бӧрйӧма тэнӧ, медым тэ тӧдін Сылысь кӧсйӧмсӧ, аддзин Веськыда Олысьӧс да кылін Сы вомсянь шуӧмсӧ.

Ап. уджъяс 3:14

Ті соссинныд Вежаысь да Веськыда Олысьысь, коринныд лэдзны морт виысьӧс.

2 Коринфӧ 5:21

Кристослӧн эз вӧв некутшӧм мыж, но Енмыс пуктіс Сы вылӧ миянлысь мыжъяснымӧс, медым Сы пыр ми лоим Ен водзын веськыдӧн.

Еврейяслы 7:2

Ӧвраам торйӧдіс Мелкиседеклы тышын став шедӧдӧмсьыс дасӧд юкӧнсӧ. Мелкиседек нимлӧн вежӧртасыс – веськыдлуныслӧн ӧксы. Сійӧ вӧлі Салим карса ӧксы, та вӧсна нӧшта сійӧс шуӧны ”лӧньлуныслӧн ӧксы”.

Еврейяслы 7:26

Дзик татшӧм аркирей колӧ миянлы: вежа, сӧстӧм да мыжтӧм, кодӧс торйӧдӧма мыжа йӧзысь да кыпӧдӧма енэжсьыс вылӧджык на.

Яков 1:18

Ас кӧсйӧм сертиыс Сійӧ чужтіс миянӧс збыльыслӧн кывнас, медым Сылӧн вӧчӧмторъясысь ми вӧлім медводдзаясӧн.

1 Петыр 1:23

Ті выльысь чужинныд энӧ сісьмана кӧйдыссянь, а сісьмытӧмсянь – Енлӧн ловъя да бырлытӧм кывсянь.

1 Петыр 1:3

Ошкӧм Енлы, миян Господь Исус Кристослӧн Батьлы. Ыджыд буралӧмыс вӧсна Исус Кристосӧс ловзьӧдӧм пыр Енмыс сетіс миянлы выль олӧм. Та вӧсна ми кутам ловъя лача

1 Петыр 3:18

Кристос ӧтчыдысь нуис сьӧкыдсӧ миян мыжъяс вӧсна, медым вайӧдны миянӧс Ен дінӧ. Сійӧ, веськыда олысь, куліс лёкнога олысьяс вӧсна. Сылысь вир-яйсӧ вӧлі виӧма, но Ловсянь Сійӧ ловзис,

2 Петыр 1:4

Миянлы сетӧма зэв дона да ыджыд кӧсйысьӧмъяс, медым на отсӧгӧн тіян пытшкын вӧлі енмалуныс, и ті верминныд ылыстчыны мувывса пежалана ыштӧмъясысь.

1 Иоан 2:1

Челядьӧй, гижа тайӧс тіянлы, медым ті энӧ вӧчӧй мыжсӧ. А мыжмас кӧ кодкӧ, тӧдӧй, мый Бать водзын миян эм Дорйысь, веськыда олысь Исус Кристос.

1 Иоан 3:5

Ті тӧданныд, мый Кристос локтіс босьтны миянлысь мыжъяс. Сы пытшкын мыжыс абу.

1 Иоан 3:7

Челядь, энӧ сетӧй ылӧдны тіянӧс некодлы. Веськыда вӧчысь Кристос кодь веськыд.

1 Иоан 4:7

Мусаясӧй, кутам радейтны ӧта-мӧднымӧс, ӧд муслуныс Енсянь. Коді радейтӧ, сійӧ Енсянь чужӧма да тӧдӧ Енсӧ.

1 Иоан 5:1

Эскам кӧ, мый Исус эм Кристос, ми Енсянь чужӧмаӧсь. Муса кӧ миянлы Чужтысьыс, муса и Сысянь чужысьыс.

1 Иоан 5:18

Ми тӧдам, мый Енсянь чужысьяс мыжсӧ оз вӧчны. Енсянь чужысь видзӧ асьсӧ, да омӧльыс оз вермы инмӧдчыны сы дінӧ.

1 Иоан 5:4

Енсянь чужысь вермӧ муюгыдсӧ. Тайӧ вермӧмыс – миян эскӧм, сы отсӧгӧн муюгыдсӧ вермӧма.

3 Иоан 1:11

Муса вокӧй, видзӧд бурсӧ вӧчысь вылӧ, а эн лёксӧ вӧчысь вылӧ. Бурсӧ вӧчысь – Енсянь, а лёксӧ вӧчысь эз аддзыв Енсӧ.