1 Иоан 2:18 - Коми Библия 2023

¹⁸ Челядь, ӧні бӧръя кад. Ті кывлінныд, мый антикрист локтас. И ӧні уна антикрист петкӧдчис нин. Та серти тӧдам, мый бӧръя кад пуксис.

1 Иоан 2:18 Iomraidhean Croise

Матвей 24:11

Уна ылӧгпророк локтас, унаӧс найӧ ылӧдасны.

Матвей 24:24

Ӧд ылӧгкристосъяс да ылӧгпророкъяс локтасны да пондасны вӧчны ыджыд шензьӧданаторъяс, медым ылӧдны, позяс кӧ, весиг бӧрйӧмаясӧс.

Матвей 24:5

Унаӧн Менам нимӧн локтасны да шуасны, ме пӧ Кристос, да унаӧс ылӧдасны.

Марк 13:6

Унаӧн Менам нимӧн локтасны да шуасны, ме пӧ Сійӧ, да унаӧс ылӧдасны.

Иоан 21:5

Исус юаліс налысь: «Ёртъясӧй, шедіс-ӧ тіянлы чериныд?» Найӧ шуисны: «Эз».

Римӧ 13:11

Тадзи вӧчӧй, ті ӧд тӧданныд, мый воис нин кад садьмыны миянлы. Мездмӧмыс ӧні ёна нин матын сэкъя дорысь, кор ми сӧмын на пондім эскыны.

Римӧ 13:12

Войыс кольӧ, луныс матыстчӧ. Сідзкӧ, шыбитам пемыдыслысь уджъяссӧ да пасьтасям югыдыслӧн вермасянторйӧ.

Еврейяслы 1:2

Тайӧ бӧръя кадас Сійӧ шыасьліс миян дінӧ Пиыс пыр. Енмыс сетіс Сылы ставсӧ, Сы пыр вӧчис ентыкӧласӧ.

1 Петыр 1:20

Енмыс бӧрйис Сійӧс му пуксьытӧдзыс на да мӧдӧдіс тіян ради бӧръя кадас.

1 Петыр 1:5

Эскӧм вӧсна Енлӧн выныс видзӧ тіянӧс мездмӧм вылӧ, и тайӧ мездмӧмыс воссяс бӧръя кадас.

1 Петыр 4:7

Регыд ставыслы воас пом. Сідзкӧ, лоӧй мывкыдаӧсь да олӧй садь вежӧрӧн, медым верминныд кевмысьны.

2 Петыр 2:1

Израиль войтыр пӧвстын вӧліны ылӧгпророкъяс, тадзи тіян пӧвстын тшӧтш лоасны ылӧгвелӧдысьяс. Найӧ ваясны тіянлы бырӧдан ылӧгвелӧдӧмъяс, весиг соссясны Ыджыдысь, коді ньӧбис найӧс. Тадзи найӧ кӧлаласны ас выланыс виччысьтӧм бырӧдӧмсӧ.

2 Петыр 3:3

Тӧдӧй, мый бӧръя кадӧ локтасны лёкӧдысьяс, кодъяс олӧны асланыс лёк кӧсйӧмныс серти.

1 Иоан 2:22

Коді нӧ ылӧдчысьыс? Абу-ӧ сійӧ, коді шуӧ, Исус пӧ абу Кристос? Татшӧмыс антикрист. Сійӧ соссьӧ Батьсьыс да Письыс.

1 Иоан 4:1

Мусаясӧй, энӧ эскӧй быд ловлы, тӧдмалӧй, Енсянь-ӧ сійӧ. Ӧд ӧні муюгыдас уна ылӧгпророкыс.

1 Иоан 4:3

Оз кӧ висьтав, мый Исус Кристос локтіс вир-яйын, сійӧ абу Енсянь, сійӧ антикристсянь. Тайӧ – антикристлӧн лолыс, код йылысь ті кывлінныд, мый сійӧ локтас, и ӧні сійӧ муюгыдас нин.

2 Иоан 1:7

Ӧні муюгыдас уна ылӧдысьыс. Найӧ оз эскыны, мый Исус Кристос локтіс вир-яйын. Татшӧм мортыс – ылӧдчысь да антикрист.

Иуда 1:18

Найӧ шулісны тіянлы, мый бӧръя кадӧ локтасны лёкӧдысьяс, кодъяс олӧны асланыс пеж кӧсйӧмныс серти.