1 Фессалоникаӧ 1:3 - Коми Библия 2023

³ Ен Батьным водзын ми век казьтывлам тіянлысь мырсьӧм-уджалӧмнытӧ да сьӧкыд нуӧмнытӧ. Ті эскӧмӧн да радейтӧмӧн уджнытӧ вӧчанныд, сьӧкыдсӧ нуанныд миян Господь Исус Кристос вылӧ лача кутӧмӧн.

1 Фессалоникаӧ 1:3 Iomraidhean Croise

Олӧм 29:20

Яков кесъяліс Ракель вӧсна сизим во. Воясыс лэбыштісны, быттьӧ лун-мӧд коли, ӧд сылы сэтшӧм муса вӧлі Ракель.

Еклесиаст 2:26

Коді шогмана Енмыслы, сылы Енмыс сетӧ мывкыдлун, тӧдӧмлун да долыдлун. А мыж вӧчысьлы Енмыс сетӧ чӧжны-чукӧртны да кольны мортлы, коді шогмана Енмыслы. Но и тайӧ, вӧлӧмакӧ, весьшӧрӧ, тӧв бӧрся вӧтлысьӧм кодь.

Сьылан 8:7

Ыджыд ва оз вермы кусӧдны муслунсӧ, юяс оз вермыны пӧдтыны сійӧс. Мортыс кӧ сетас став ассьыс озырлунсӧ, мед ньӧбны муслунсӧ, сійӧс асьсӧ мустӧмтасны. (Вокъяс:)

Иоан 14:15

«Ме кӧ муса тіянлы, олӧй Менам тшӧктӧмъяс серти.

Иоан 15:10

Ме ставсӧ вӧча Батьлӧн тшӧктӧм серти да ола Сылӧн муслун пытшкын. Ті кӧ вӧчанныд Менам тшӧктӧм серти, сэки тшӧтш кутанныд овны Менам муслун пытшкын.

Ап. уджъяс 10:31

да шуис, Корнилий, Енмыс пӧ кылӧма тэнсьыд кевмысьӧмтӧ да аддзӧма гӧльяслы отсасьӧмтӧ.

Ап. уджъяс 3:19

Бергӧдчӧй мыжъяссьыныд Енлань, медым Сійӧ вештас тіянлысь мыжъяснытӧ.

Римӧ 12:12

Лачанытӧ кутӧй нимкодьпырысь, шогъястӧ нуӧй терпитӧмӧн, дугдывтӧг кевмысьӧй.

Римӧ 15:13

Лачасӧ сетысь Ен мед тыртас тіянӧс нимкодьлунӧн да лӧньлунӧн эскӧманыд, медым Вежа Лов вынӧн ті зумыда сулалінныд лача кутӧмас.

Римӧ 15:4

Став воддза гижӧдсӧ вӧлі гижӧма миянӧс велӧдӧм да бурӧдӧм могысь, медым Гижӧд пырыс ми вермим ёнмыны да зумыд лача кутны.

Римӧ 16:6

Чолӧм Мариамлы, сійӧ уна уджаліс-отсасис миянлы.

Римӧ 2:7

Сійӧ сетас помтӧм олӧм налы, кодъяс бур вӧчӧмнас мудзлытӧг корсьӧны бырлытӧмсӧ, дзирдлунсӧ да нимӧдӧмсӧ.

1 Коринфӧ 13:13

Ӧні кольӧ куимтор: эскӧм, лача да муслун. Но муслуныс на пиысь медыджыд.

1 Коринфӧ 15:58

Муса вокъяс, сулалӧй зумыда да вӧрзьывтӧг. Быд кадӧ кесъялӧй Господьлы сьӧлӧмсяньныд. Тӧдӧй, мый ті кесъяланныд Господьлы онӧ весьшӧрӧ.

2 Коринфӧ 2:17

Мукӧдыс моз ми огӧ висьтавлӧй Енлысь кывсӧ дон вылӧ. Ми висьтавлам сійӧс Ен водзын веськыда, ӧд ми – Кристослӧн кесъялысьяс да Енсянь мӧдӧдӧмаяс.

Галатӧ 1:4

Ен Батьнымлӧн кӧсйӧмыс серти Кристос сетіс Асьсӧ миян мыжъяс вӧсна, медым мездыны миянӧс лёкнас тырӧм муюгыдсьыс.

Галатӧ 5:13

Вокъяс, тіянӧс корӧма мездлунас. Сӧмын мездлунсӧ энӧ бергӧдӧй вир-яйлысь кӧсйӧмсӧ могмӧдӧмӧ, но мусапырысь кесъялӧй ӧта-мӧдныдлы.

Галатӧ 5:6

Тэ кӧ Исус Кристос пытшкын, вундыштчӧмыд-ӧ, абу-ӧ вундыштчӧмыд – тайӧ нинӧм оз сет. Колана сӧмын муслуна эскӧм.

Галатӧ 6:9

Бурсӧ вӧчигӧн огӧ сетчӧй мудзӧмас, ӧд ас кадӧ вундам, огӧ кӧ лэдзӧй кинымӧс.

1 Фессалоникаӧ 3:6

Тимофей сӧмын на воис тіян дінысь да вайис тіян эскӧмныд да муслунныд йылысь нимкодь юӧр, ті пӧ век бур ногӧн казьтывланныд миянӧс да миян моз ёна кӧсъянныд аддзысьлыны миянкӧд.

2 Фессалоникаӧ 1:11

Ми дугдывтӧг кевмысям тіян вӧсна, медым Енным вӧчас тіянӧс шогмана корӧмаясӧн, и Аслас вынӧн ёнмӧдас кӧсйӧмнытӧ бурсӧ вӧчны да отсалас помӧдз вайӧдны эскӧм пыр уджъяснытӧ.

2 Фессалоникаӧ 1:3

Вокъяс, миянлы быд кадӧ колӧ аттьӧавны Енсӧ тіянысь, ӧд тіян эскӧмныд лунысь-лун ёнмӧ да тіян костын ӧта-мӧд дінад муслунныд ёнджыка на содӧ.

1 Тимофейлы 1:14

Миян Господь озыра тыртіс менӧ Аслас буралӧмнас. Исус Кристос пыр меным сетӧма эскӧм да муслун.

1 Тимофейлы 2:3

Тайӧ бур да шогмӧ Енмыслы, миян Мездысьлы.

Еврейяслы 10:36

Тіянлы колӧ зумыдлун, медым верминныд збыльмӧдны Енлысь тшӧктӧмсӧ да босьтны Сысянь кӧсйысьӧмасӧ.

Еврейяслы 11:17

Эскӧмӧн Ӧвраам вайис вись пыдди Исаакӧс, кор Енмыс кӧсйис тӧдмавны сылысь эскӧмсӧ. Ӧвраам дась вӧлі сетны вись пыдди ассьыс ӧтка писӧ, кодӧс Енмыс сылы кӧсйысьліс.

Еврейяслы 13:21

Енмыс мед дасьтас тіянӧс быдпӧлӧс бур удж вылӧ, медым ті збыльмӧдінныд Сылысь кӧсйӧмсӧ. Исус Кристос пыр Сійӧ мед вӧчас тіян пытшкын ставсӧ, мый Сылы шогмана. Ошкӧм Сылы нэмъяс чӧж! Аминь.

Еврейяслы 4:11

Сідзкӧ, кутам зільны пырны Енлӧн шойччанінӧ, медым тайӧ кывзысьтӧм йӧзыс моз эгӧ кольӧй Енлӧн шойччанінӧ пыртӧг.

Еврейяслы 6:15

Тадзи терпитӧмнас Ӧвраам босьтіс Енсянь кӧсйысьӧмасӧ.

1 Петыр 3:4

Тіян мед лоӧ пытшкӧсса мичлун: рам да лӧнь сьӧлӧм. Тайӧ мичлуныс бырлытӧм, сійӧ дона Енмыслы.

1 Иоан 3:18

Челядьӧй, кутам радейтны ӧта-мӧднымӧс огӧ кывъясӧн да сёрниӧн, но збыль сертиыс да уджъясӧн.

1 Иоан 3:21

Мусаясӧй, сьӧлӧмным кӧ оз мыжды миянӧс, ми вермам повтӧг локны Ен водзӧ.

1 Иоан 3:3

Сы вылӧ татшӧм лача кутысь сӧстӧммӧдӧ асьсӧ, мед лоны Сы кодь сӧстӧмӧн.

1 Иоан 5:3

Тшӧктӧмъяс серти олӧмыс – тайӧ Енсӧ радейтӧм, а Сылӧн тшӧктӧмъясыс абу сьӧкыдӧсь.

Восьтӧм 2:19

Ме тӧда тэнсьыд уджъястӧ, муслунтӧ, кесъялӧмтӧ, эскӧмтӧ да зумыдлунтӧ. Тӧда, мый воддза дорысь тэ ӧні ёнджыка на уджалан.

Восьтӧм 3:10

Ме тшӧкті тэныд зумыда сулавны, и тэ видзин Менсьым тшӧктӧмӧс. Та вӧсна видза тэнӧ локтана сьӧкыд кадас. Тайӧ кадыс лоӧ став му пасьталаыс, медым тӧдмавны мувывса олысьясӧс.