Mateo 8:4 - Capanahua

⁴ —Hen mia yohinon nincahue. Tsoabi yohihaxma caxon sacerdote jismatanhue. Moisesnin yohini quescabijaquin hinanti pishcaya cahue, rohascaxon hinanti. Jascajaxon tah min jato nincamatihi —hahscaquin Jesusen.

Mateo 8:4 Iomraidhean Croise

Mateo 10:18

Jaton hapobo qui ta mato botihiqui, jaton quiquin hapobo qui rihbi ta mato botihiqui, man heen jihuetahbo copi. Jano tah man heen joi jato nincamaxon, nahuabo rihbi man nincamatihi, Hen tah hen honanyamanihqui, Hihbon hihyamahabo.

Mateo 16:20

Jaatian sca Jesusen yohiquin sirijaquin: Hea Cristo hihqui tsoabi yohiyamanahue.

Mateo 17:9

Mahchi janinhax botopaqueti caquin sca: —Man rahma jisí tsoabi yohiyamaxahnahue. Mahuatipish hen hahquirihbi teehihnon caman tsoabi yohiyamaxahnahue.

Mateo 3:15

—Jaabi hea nashimahue. Min hea nashimati ta Papa queenih qui. Papan yohihi jatihibi hean nincanica hihnon hea nashimascahue —Jesusen jascahah, Juaman jeenhahquin. Jeenhahxon, nashimaquin.

Mateo 5:17

Papan huishamani joibo hean mato potamahi jahui shinanyamanahue. Moises jan huishamani, texe jahuen joi yohinicabo jan huishamani, jaa joibo mato potamahi tah hen joyamaniqui. Papan joi potamanoxonma bi tah hen jan yohini quescabijanoxon jahui.

Mateo 6:1

Caibo yanapanquin hahcoinnahue. Jonibaan jisnon hihxon res man hahmis. Man hahxoncoinyamahiya ta maton naihoh queha Papan mato jahuabi hahxontimahiqui.

Mateo 9:30

Jato yohihah, jisresscacanquin. —Tsoabi yohiyamanahue, mato tah hen yohihi —Jesusen jato jaquin, hihti yohiquin.

Marcos 13:9

Matobi coiramenahue. Casticannicahbaan tananon ta mato hinanyaxihcanihqui. Haho tsinquiti xobohoxon ta mato rishquiyaxihcanihqui. Tinintibo bebon tah man nihyaxihqui, quiquin hapobo bebon rihbi. Man tah man jato yohicoinyaxihqui.

Marcos 3:12

Jonibaan yoshin jascari yohuanai nincayamanon hihxon, jato hihti yohiquin: —Yohuanyamanahue —hahquin.

Marcos 5:43

Jan xontaco hahxonai tsoabi yohiyamahahbo cahen Jesusen jato hihti yohiquin. Jascajaxon: —Xontaco piti hinannahue —jato jaquin.

Marcos 6:11

Mato Johue hahyamaxon mato nincacatsihyamahiboya janohax caquin maton sapato qui hueotai mai poto jato qui tahabahini botannahue yohitimabohi honanahbo —jato jaquin.

Marcos 7:36

Jaa rohascaiya cahen Jesusen jato hihti yohiquin tsoabi yohiyamanon. Jan hihti yohihah bi hashoan hicha sca yohicanquin.

Marcos 8:30

—Tsoabi jascajaquin yohiyamanahue —jato jaquin Jesusen.

Marcos 9:9

Jaa pecaho sca mahchi mehax botopaquexon Jesusen jato hihti yohiquin: —Man rahma jisí tsoabi yohiyamanahue. Hea noquebaque hihquipish bi hahquirihbi hueninon caman yohiyamanahue —jato jaquin.

Lucas 17:14

Jato jisxon: —Man rohahi sacerdotenin jisnon jismatannahue —jato jaquin. Jascahah boresscacani. Bahin caquin jisi bi jaton sipi rohacahinscai.

Lucas 21:13

Hioxon ta mato Hihcoini sca yohuanhue hahxon mato tana tanayaxihcanihqui.

Lucas 4:41

Hicha tiroma yoshinbo rihbi ta jaan camanishqui. Jenebahini catanhue jan jaah sai saihihcani. Mia tah min Diosen baque qui hihcahini boresscacani. Jaabo hashoan coshin yohuanpanan ta jato netemanishqui. Jaa Cristo hihqui honanax yohuanaibo copi jato netemaquin.

Lucas 5:14

—Hen mia rohajaha tsoabi yohiyamaxahtahi min. Min yohimis. Tsoabi yohixonma, sacerdote jismatanhue, Moisesnin yohini quescabijaquin hinanti pishcaya catanhue, rohascaxon hinanti pishca. Jascajaquin tah min jato nincamatihi, jonibo tocan hahquirihbi jihueti hahtipahnoxon —hahscaquin Jesusen.

Lucas 8:56

Jahuen papa betan jahuen mama rahte rahteti. Jenquetsahaquin rohajahaxquin yohiyamahahbo sca jahuen papaya jahuen mama hihti yohiquin: —Tsoabi yohiyamanahue —hahquin Jesusen.

Lucas 9:21

—Tsoabi jascajaquin honanmayamanahue.

Juan 5:41

Jonibaan res hea Yotiho coshi mia quin hahti tah hen queenyamahi.

Juan 7:18

Coshi joni hihqui shinanahbo hihquish ta jaabaanbi shinanax yohuanaibo jaiqui. Hea raanai heen Papa coshi hihqui honanahbo hihquish tah hen hea yohuanai. Jascapa yohuannica ta hihcoini yohuannica qui. Jahuabi tiroma yohuanyamahi.

Juan 8:50

Hehqui siripi yohuanaibo benahi ta hen joyamahi. Jatihibi shinan honannica ta jaiqui. Jaan ta mato yohihihqui, hehqui siripi yohuanxon.