Mateo 6:30 - Capanahua

³⁰ Nihi naman joabo hicha joconax cainipi bi tah non huaijaxon jato coharesai, copima copi. ¿Copi que ma bi Papan jato sirijati shinannihxon mato sca jan hashoan sirijaxonti shinantimahiquin? Jaan mato hahxontihi honancoinnahue.

Mateo 6:30 Iomraidhean Croise

Mateo 14:31

Mehuetanxon huenihihnixon sca: —Hicha tahma res tah min shinancoinai. ¿Jahua jenquetsahin min shinancoinyamahin? —hahscaquin Jesusen.

Mateo 16:8

Jahua yohuan jaabo jai jahuen jointinin honanxon sca: —¿Jahua copi man pitijoma non jahui copi rah ta qui hih man jain yohinani, ¿man hihcoinjaquin shinanyamahin?

Mateo 17:17

—¡Shinancoinjomabon! Shinanquin sirijayamahibo tah man qui. ¿Jahuentiho basi hen mato betan hihquiya pari man pontetihin? ¿Jahuentiho basi cahra hen mato teneti jain? Jaa hihuenahue —Jesusen jato jaquin.

Mateo 8:26

Mohinahbo sca: —¿Jahua jenquetsih man raquetain? Hihcoinai shinanxon bi tah man hicha nincayamahi —jato jaquin. Huenixon sca nihue yohixon hian rihbi yohiquin tantiscahabo. Yohihah, tanticahinscai. Siriscai.

Marcos 4:40

—¿Jahua jenquetsi man raquetain? ¿Man shinancoinyamahin? —jato jaquin.

Marcos 9:19

—Nincayosmabon, jascapahbo tah man qui. ¿Jahuentiho basi hen mato betan jatihin? ¿Jahuentiho basi hen mato tenetihin? Neno hehqui hihuenahue —jato jaquin.

Lucas 12:28

Joa ta nihi naman hicha jaiqui. Siripi hanihi bi tah non huaijaxon jato mapojahi, copima quen. Copi que ma bi ta Papan jato hihti siri rajotibo hinanihqui. ¿Hashoan sca jan mato coirantihi man shinanyamahin? Shinancoinnahue.

Lucas 9:41

—¡Nincacoinyosmabon! ¿Jenquetsahpahi man shinancoinyamahin? ¿Jahuentiho basi hen mato betan hihquiya pari man pontetihin? ¿Jahuentiho basi cahran hen mato teneti jain? Miin baqueya johue —hahscaquin Jesusen.

Juan 20:27

Jato jascajaxon Tomas sca yohiquin: —Miin metoti niahi johue. Heen mequen jisihue. Heen pishi janin miin mequen niahi johue. Paranaibo shinanyamahue. Hihcoinai shinanhue —hahquin.

Hebreobo 3:12

Coiramenahue, hea huetsabaan. Nincatima tiromabo shinanbo maton jointi janin jamis, tiromahi. Jascapa shinanbaan ta mato noquen jihuemanica Papa Dios nincamatimajahiqui.

1 Pedro 1:24

Papan huishamani joi jai quesca tah qui: Jatihibi yorayahpabo ta huasi quescapi qui jaton rajotibo huasi joa quescapi. Huasi ta pehuahihqui, jahuen joa rihbi paqueti.