Mateo 6:28 - Capanahua

²⁸ Jascajaquin rihbi ta chopa copi masa shinanah yanca res qui. Joa siribo jenquetsax hanihiquin hihxon shinannahue. Jahuabi ta teeyamacaniqui. Toroxahcaxma bi ta siri chopayahpa quesca hihti siribo qui.

Mateo 6:28 Iomraidhean Croise

Mateo 10:10

Jaya cati borasa rihbi tah man botimahi. Coton huetsa boyamaquin. Zapato huetsa rihbi boyamaquin. Mepiti rihbi boyamaquin. Maton tee copi ta nincacaibaan mato pimatihiqui. Jaa copi tah man jaa rahsi botimahi.

Mateo 6:25

Jaa copi tah hen mato yohihi: Maton piti copi masa shinanyamanahue. Jahua hen piyaxihquin jahua hen xehayaxihquin hihxon masa shinanyamanahue. Jahua hen sahueyaxihquin hihyamaribihi. ¿Pihi res non jihuetain? ¿Chopa sahuenoxon res non yora jain?

Mateo 6:27

Heen shinaman bi hashoan queyanihpan hihquish bi tah min jahuabi queyanihtimahi.

Mateo 6:31

Jaa copi masa shinanyamanahue. Hahrai, jahua non piyaxihquin, Jahua non xehayaxihquin, Jahua non sahueyaxihquin hihxon masa shinanyamanahue.

Lucas 10:41

—Hicha tah min masa shinanai, baquen. Miin tee hichahi tah min jatsanai.

Lucas 12:11

Jaton tsinquiti xobo janin mato hiohax, jaton hapobaan mato casticannon hihquish quesahiboya, jahua yohuan japan, jahua hen yohitihin hihyamayaxahnnahue.

Lucas 12:22

Jahuen haxenicabo sca yohiquin: —Masa shinanyamanahue, hih ca hen jai sen. Jahua pitima ta jaiqui, jahua pipan hihyamanahue. Chopa tah hen yamahi, jahua hen sahuetihin hihyamarihbinahue.

Lucas 12:27

Joabo rihbi jenquetsahpabo hin hihxon shinannahue. Jaabaan ta yomenjayamahiqui. Chopa rihbi hahyamahax bi ta hihti siri rajotiyahpa qui. Salomon hicha chopa siribo japahonish bi cahen huesti joa betan senenyamanish.

Lucas 3:11

Yocacahbo sca jato yohiquin: —Rabe cotonyahpaxon cotonjoma joni huesti hinannahue. Pitiyahpaxon, jascajaquin rihbi pitijoma joni hinannahue jan pinon —jato jaquin.

Filipos 4:6

Jahua copibi masa shinanyamanahue. Man hahan tiromajaquin shinanai jai jatihibi Papa yohinahue. Noquen Papa yocaxon, jan mato hahxonai rihbi Hahxon tah min noque jai Papan, hahxon man hahan masa shinanaibo yocanahue.

1 Pedro 5:7

Man hahan masa shinanai jatihibi jaa yocanahue. Matohon ta shinanihqui.