Mateo 24:3 - Capanahua

³ Jato jascajabahini cahax, Olivoya manan manichish Jesus tsahoti. Jaabo rahsibi sca jahuen haxenicabo hahqui tsinquijaquexon yocacanquin: —Noque yohipishcahue. ¿Min yohiha jahuentian jayaxihquiquin? ¿Jahua huinotai jisxon non mia joribiti nea pishca sca jai non honantihin? ¿Nete queyoti neno pishcasca jai honannoxon jahua non jistihin?

Mateo 24:3 Iomraidhean Croise

Mateo 13:36

Tsamataibo potabahini sca Jesus cahi, xoboho hihcohi. Jano rihbi ta jahuen haxenicabo hihconishqui, yocacatsihqui. —¿Huasi bero joi jahua hihcatsihquiquin? Noque yohihue —hahcanquin.

Mateo 13:49

Nete queyotaiya ta jascaja rihbi Papan jayaxihquiqui. Joxon ta Papan yonotibaan tiromabo bihyaxihcanihqui, siribo tocan nihyamascanon.

Mateo 15:12

Jahuen haxenicabo sca jaa pataxi becani. Pataxxon sca: —¿Min yohihi nincacax fariseobo sinascai min honanyamahin? —hihcani.

Mateo 16:27

Heen Papan coshi xabaya tah hen joribiyaxihqui. Jahuen yonotiboyabi tah hen jotihi. Joxon tah hen jatihibi jonibo tsinquixon jaabo hihpahonibo quescabijaquin jato hahxontihi, caibo copijaquin, caibo casticanquin.

Mateo 16:28

Hen mato yohinon nincanahue. Caibo neno nichibaan tah man mahuaxonma hea quiquin haposcaax jahui man jisyaxihqui —jato jaquin.

Mateo 17:19

Jesus qui sca jaabo rahsibi jahuen haxenicabo tsinquijaquexon yocacanquin: —¿Jahua jenquetsahiya non camati hahtipahyamahaquin? —hihcani.

Mateo 21:1

Jerusalen hochoma sca becani. Betfagé jema pishca qui nocotax, Olivo manan qui nococani. Janoxon sca jahuen haxenica rabe raannoxon yohiquin.

Mateo 24:27

Bari cainai quirihax bari hihquihi janin caman cana bacahi xabatani jai quescapi tah hen sanarenenyaxihqui. Jaa honanxon jato nincayamanoxahnahue.

Mateo 24:30

Jaatian tah man nai bejisxon hahan honanti jisyaxihqui, hea joribiscanon. Jaatian ta jatihibi janin jaibo huaohihyaxihcanihqui. Naihoh quehax botopaqueti jahui sca ta hea noquebaque jisyaxihcanihqui, nai cohiman jahui ta hea jisyaxihcanihqui, hihti xabaya hihti coshiya jahui ta jisyaxihcanihqui.

Mateo 24:37

Jahuentian queyoyaxihquiquin honanxonma bi nea honannahue: Noen jihuetai tian japahonibo quescarihbihi ta hea sanareneni jonon caman jayaxihcanihqui jonibo.

Mateo 24:39

Jahuentian jene paquexihquiquin honanxonma ta jascajacanpahonishqui, paquerenenxon sca jenen jato bonon. Jascarihbihi ta hea joti jayaxihquiqui, tsoan honanaima bi histon.

Mateo 24:43

Jahua neten hen jotihiquin man tah man honanyamahi. Mato qui ta nococahintihiqui. Jaa tah man honanscai. Jahua hora jahuen xoboho yometso hihquicahintihi honanxon cahen xobo hihbaan coiranan. Coiranxon cahen jahuen xoboho hihquimayamahan.

Mateo 28:20

Jascajanahue hahquin hen mato yohipahoni joibo jatihibi jato haxemanahue, jascajahabo. Nete queyonon caman hen mato betan jascabihi jayaxihqui honannahue.

Lucas 21:7

—¿Jahuentian jascajayaxihcanihquin, maestron? ¿Jahua jisxon non min yohihi quesca sca jacatsihqui non honantihin? —hahcanquin.

Hahnibo 1:7

Yocacahbo jato yohiquin: —Jaabi hihbo hihxon ta jayaxihquibo Papan yohinishqui. ¿Jahuentian jaticaniquin? ¿Jahua neten jayaxihcanihquin? Man tah man honantimahi.

Hebreobo 9:26

Huesti coti res noque copi mahuayamahax cahen netejamenoni pecaho hicha coti mahuati jaquehan. Hicha coti ta hihyamanishqui. Nete queyoti hochoma ta huesti coti res jahuex hinamehxon huestijaquin noquen hohchabo queyobahinnishqui.