Mateo 13:57 - Capanahua

⁵⁷ Jaa copi nincacoinyamacanquin. Nincacoinyamahibo copi sca Jesusen jato yohiquin: —Papan joi yohinicahon huetsancohabo queenaibaan bi ta jahuen mai janinhahbo jahan queenyamacaniqui. Jahuen jenabo, jahuen xobo janinhahbo, jaabo jahan queenyamarihbihi —jato jaquin.

Mateo 13:57 Iomraidhean Croise

Mateo 11:6

Heen joi nincacoinai joni rihbi ta hahan jenimati jaresscaiqui, jascajaquin yohitannahue —Jesusen jato jaquin.

Mateo 13:58

Nincayosmabo copi ta jahuen coshiyaxon jaton jema janin jato hicha hahxonyamanishqui.

Marcos 6:1

Janohax res sca cahen jahuen mai janin sca Jesus caribihi. Jahuen haxenicabo rihbi hahbetan bocani.

Marcos 6:14

Jascajahiboya cahen Jesusen joi jatihixonbi nincacanquin. Herodes janeya quiquin hapon rihbi nincaquin. Jesus yohihi cahen caibo nescari yohuannish: —Nashimanica Juan ta mahuatipish bi teehihribihiqui. Jaa copi ta jascajaquin coshin hahquiqui —hihcani.

Marcos 6:3

¿Hoa carpinteroma hin? ¿Marian baquema hin? ¿Jacobo, José, Judas, Simon jahuen jochicaboma hin? ¿Jahuen chocabo neno noque tocan jihueyamahiquin? —hihcani hahqui sinati.

Marcos 6:4

—Huetsancohabo Papan joi yohinicahon queenaibaan bi ta jahuen mai janinhahbo res jahan queenyamahihqui. Jahuen jenabo, jahuen xobo janinhahbo rihbi jahan queenyamacani —Jesusen jato jaquin.

Lucas 4:24

Jato jascajaxon jato hihti yohiscaquin: —Jaabi tah hen mato yohicoinai. Jahuen main cahiton ta Papan joi yohinica jahuen caibaan sirijaquin bihtimahiqui.

Lucas 7:23

Hen yohihi nincacoinaibo ta hahan jenimati jaiqui —jato jaquin.

Juan 4:44

Caquin sca ta jato yohinishqui: —Jahuen main jihuetai bi ta jahuen caibaan Papan joi yohinica nincacatsihyamahihqui —hahquin.

Juan 6:42

—¿Nea Jesus janeya joni Josepan baquema hin? ¿Jahuen papa, jahuen mama non honanyamahin? ¿Jenquetsahaquin sca Hea tah hen naihoh quehax paquenihqui hah noque jaiquin? —hihcani.

Juan 6:61

Jahuen haxenicabo hahqui renren renrenai jahuen jointinin honanxon jato yocaquin: —¿Hen yohuanai nincacax man rahtetain?