Mateo 13:15 - Capanahua

¹⁵ Nincayosmaboxon copi tah man jascajatihi. Pabinquiyaxon bi hochoxon nincacai quescajaquin. Jistihi bi tah man bero rahcohi, jismis hihxon. Nincamis hihxon rihbi, jointinin nincaxon, shinan pontehax rohahax jihuemis hihxon tah man jascajahi. hih ta jaiqui Isaiasnen huishani joi.

Mateo 13:15 Iomraidhean Croise

Marcos 4:12

Jis jisxon bi jisyamahabo, ninca nincaxon bi nincayamahahbo, jaton shinan pontehax jaton hohcha yamamis hihxon nincayamahibo copi tah hen jaa patax queha joi rahsi jato nincamahi —jato jaquin.

Lucas 19:42

—¡Rahmabi Papa betan siripi jihueti man honanpahinon, Jerusalen janinhahbon! Jaa honantihi bi tah man benchebo qui.

Hahnibo 28:27

Nea jonibaan jointi ta xehpo qui. Jaton pabinquinin nincapanan ta nincayosmabo qui. Jaton bero ta beracocanihqui, jisxon honanmis hihxon, pabinquinin nincamis hihxon, jointinin honanmis hihxon. Shinan pontehiton hean jato rohajamis hihxon ta jascajacaniqui hih ta jaiqui huishani joi.

Hahnibo 3:19

Jaa copi maton shinan pontenahue, maton hohcha Papan sohuanon.

Hahnibo 7:57

Jascahah bi coshin sai saihihscacani. Mequeman pabepobahini caxon jaa xecotancanquin.

2 Timoteo 4:4

Papan joi coin nincati jenebahinxon ta hihcoinaima joibo sca nincaticaniqui.

Hebreobo 5:11

Jaa yohihi non hicha yohiti jai bi tah man pabe sca jai. Jaa joibo mato nincamati ta tee qui.

Jayaxihquibo 22:2

Jema naponbi bahi naxba janon, jaa bahi naponbi sca jaa huaca tejabahti. Huaca quexa nihbecoinai cahen hahan jihueti jihuibo. Doce bimiboyahpa jihui, hoxne tihibi huetsa bimiyahpa. Jahuen pehi rihbi cahen hahan rahomehti, nahuabo hahan rahomehti.