Mateo 12:50 - Capanahua

⁵⁰ Heen naihoh queha Papa queenai quescabijaquin hahcai joni ta heen huetsa qui. Jascapah ta heen choca qui. Jascapah ta heen mama qui —Jesusen jaquin.

Mateo 12:50 Iomraidhean Croise

Mateo 12:49

Jato jascajaxon jahuen haxenicabo metoxon: —Jisnahue. Neabo ta heen mama qui. Neabo ta heen huetsabo qui.

Mateo 13:1

Jaatian ta hian patax tsahoti Jesus canishqui, xobohoh quehax picotax.

Mateo 17:5

Pedro yohuanparihiya xabatai nai cohiman jato mahporenenquin. Jaa nai cohin chicho quehax yohuanai sca nincacanquin: —Nea ta hen queenai heen baque qui. Hahan tah hen hihti jenimahi. Jaa nincanahue.

Mateo 25:40

Jaton quiquin hapo hihxon tah hen jato yohiyaxihqui: Man honannon tah hen mato yohihi. Nea heen huetsabo romishin jascajaxonquin tah man hea rihbi hahxonnihqui.

Mateo 25:45

Jasca jaiboya tah hen jato yohitihi: Man honannon tah hen mato yohihi. Nescapa pishcabo maton jisí, jahuama quescapahbo, jato hahxonyamaquin tah man hea rihbi hahxonyamanihqui.

Mateo 28:10

—Raqueyamanahue. Galilea main bohábo heen huetsabo yohitannahue. Jano ta hea jisyaxihcanihqui.

Marcos 3:35

Papa queenai quescajanicahbo ta heen huetsa, heen choca, heen mama qui —jato jaquin.

Lucas 8:21

Jasca jaiboya sca: —Hean yohihi nincaxon hahcoinaibo ta heen mamaya heen huetsabo qui —hahquin.

Juan 15:14

Hen mato yohihi quescajaquin hahcaibo tah man heen hahbe rabetibo qui.

Juan 20:17

—Hea xecoyamahue. Heen papa qui tah hen hinahihnarihyamahi. Heen huetsabo yohitanhue, hea heen papa qui, maton papa qui, heen Dios qui, maton Dios qui hea hinahihnatai yohitanhue.

Juan 6:29

—Papan raanai joni nincacointi ta jaa tee qui —Jesusen jato jaquin.

Juan 6:40

Jahuen baque jisxon jaa nincacoinaibo queyoyamanox manati ta heen papa queenihqui. Nete queyoscanon tah hen jato hueniyaxihqui —jato jaquin.

Hahnibo 17:30

Honanmabo jai bi ta Papan jato tenepahonishqui. Jato tenenixon bi ta rahma jatihibi jonibo sca jatihibi janin jaan yohiscaiqui shinan pontehahbo hihxon.

Hahnibo 26:20

Damasco janinxon pari yohixon Jerusalen janinhahbo sca yohixon Judea mai mehabo jatihibi yohixon judiomabo rihbi sca tah hen jato yohinihqui. Shinan pontexon Papa Dios sca nincaxon behnajaquin shinanxon quescabijaquin sca hahcabo hihxon tah hean jato yohinihqui.

Romanobo 8:29

Jahuenahbo non jayaxihqui honannihxon ta yohinishqui: Heen baquecoin hihqui quesca sca tah man jayaxihqui hahquin noque yohiquin. Jaa jahuen baque noquen huetsahax bi noquen Hihbo rihbi hihnon ta jascajaquin yohinishqui.

1 Corinto 9:5

Huetsa jahuen raantibo hihqui quescari, noquen Hihbaan jochicabo hihqui quescarihbihi, Cefas rihbi hihqui quescarihbihi ¿non noquen haibo betan nihti hahtipahyamahin?

Galatabo 5:6

Jesucristo qui hinamehtaiboxon tah non nincacoinxon joni huetsahon shinanti jai, jato betan yanapanhanani. Judio honantiyahpa jaah ta jahuajoma qui. Jaa honantijoma jaah jahuajoma rihbi.

Galatabo 6:15

Papan jisi ta judio honantiyahpabo jahuen siriboma qui. Jaa honantijomabo rihbi jahuen siriboma. Behna shinanyahpa jonibo res ta jaan siribo jisiqui.

Colosas 3:11

Noque behnabo tah non judiobaan nahuaboma sca jai. Judioboma rihbi sca jai. Judio honantiyahpaboma sca jai. Jaa honantijomaboma sca jai. Nahuabo hihyamascai. Nahua bi res nahuabo hihyamascai. Hinabo hihyamascai. Hinaboma hihyamascai. Jascapahboma sca jaax bi Cristoyahpabo rahsi. Criston jonibo rahsi.

1 Timoteo 5:2

Yoxabobo rihbi miin mama hahcajaquin yohuanquihnhue. Yoxabomabo rihbi miin chocabo hahcajaquin yohuanquihnhue, sirijaquin shinanxon.

Hebreobo 5:9

Jatihibi huinosca jaax ta jihuemanicah sca jaa qui. Jaa nincacoinaibo jatihibi queyoyamanox mananon ta jato hihbohiqui.

1 Pedro 4:2

Hohchayabo queenai quescajayamahi bi Papa queenai quescajahi jihueti shinanscaquin.

1 Juan 2:17

Nea mai ta queyocahinyaxihquiqui, jahuen queenboyabi. Jascapa yamacahinyaxihqui bi ta noquen Papa queenai quescajahibo queyoyamanox manatihiqui.

Jayaxihquibo 22:14

Jaton chopa pahtsacaibo ta hahan jenimati jaiqui. Jaabaan ta hahan jihueti jihui quiha piti hahtipahiqui. Jaabo ta jema xehquibo janin hihconicabo qui.