Mateo 10:11 - Capanahua

¹¹ Jema qui nocoxon jaa hihyamahiya xobo qui nocoxon tsoa jano shinanyahpa joni jaiquin hihxon jato yohinahue. Jano mato Benahue jaibo janin jihuetahxon jato nincamanahue. Caribinoxon caman jaa xobohobi hoxanahue.

Mateo 10:11 Iomraidhean Croise

Mateo 10:10

Jaya cati borasa rihbi tah man botimahi. Coton huetsa boyamaquin. Zapato huetsa rihbi boyamaquin. Mepiti rihbi boyamaquin. Maton tee copi ta nincacaibaan mato pimatihiqui. Jaa copi tah man jaa rahsi botimahi.

Mateo 10:12

Xobo qui mapenoxon jano jaibo yohinahue: Papan mato hahxonnon hahquin.

Marcos 6:10

—Xoboho hihcohax janobi banenahue, jaa jema janinhax canoxon caman.

Lucas 19:7

Jan jano mapetai jisish, jatihibi reren rerenscacani. —Hohchayahpa jonin xoboho mapetax ta janobi tantihiqui —hihcani.

Lucas 9:4

Xobon mato mapemaha janobinahue. Caribinoxon caman tah man jaa xoboho hoxatihi.

Hahnibo 16:15

Jatihibi jahuen xoboho jihuetaibo betan nashimaha sca noque hihti yohiquin: —Noquen Hihbaan joi hen nincacoinai shinanax heen xoboho botannahue. Jano sca banenahue —hahxon jano sca noque hioquin.