Marcos 9:7 - Capanahua

⁷ Jato bochiqui cahen nai cohin maracahti. Nai cohin chicho quehax sca yohuani jai: —Nea ta hen hihti queenai heen baque qui. Jaa nincanahue —hihqui.

Marcos 9:7 Iomraidhean Croise

Mateo 27:43

Papa Diosen baque hihqui ta shinannishqui. Queenxon, Papan jaa botonxon rohajascanon. Hea tah hen Diosen baque qui jan jaipi hih ca hen ja hisen —hihcani.

Mateo 27:54

Jesus mahuataiya jascapa huinotai jisish ta jano coiranai sontaro capitan hihti raquenishqui, jahuen sontarobo rihbi hihti raqueti. —Jaa ta Papan baque coin hihnishqui —hihcani.

Mateo 3:17

Naihoh quehax yohuanai rihbi nincacanquin. —Nea ta hahan hen queenai heen baque qui. Hahan tah hen hihti jenimahi —hihqui.

Marcos 1:11

Jaatian: —Mia tah min hen hihti queenai heen baque qui. Mihon ta hen jenimahi —hihqui naihoh quehax yohuanai joi.

Marcos 9:6

Jahua yohiti honanyamahax jascari yohuani. Hihti rahtecani.

Marcos 9:8

Nincaxon jisbohanrenenxon bi tsoabi jisyamacanquin. Jesus huesti jano jai meracanquin.

Lucas 3:22

Jaton jisnonbi sca naihoh quehax nobex quescapah botopaqueti jahui jisquin. Naihoh quehax yohuanairihbi nincacanquin. —Mia tah min jahan hen queenai heen baque qui. Mihon tah hen hihti jenimahi —hihqui.

Juan 1:34

Jan jascajahi jisoxon ta hen mato yohicoinai: Papa Diosen baque tah qui —Juaman jato jaquin.

Juan 1:49

—Mia tah min Papa Diosen baque qui, Maestron. Mia tah min israelibaan quiquin hapo qui —hihscai Natanael.

Juan 12:28

Papan, mia nete hihbo shinanahbo jahue —hahquin Jesusen. Jaatian naihoh quehax yohuanai nincacanquin. —Jascajaxon tah hen hahribitihi —hihqui.

Juan 19:7

—Huishani joi tah non noque jai. Hea ta Diosen baque qui jan jai copi tah non jaa rehteti jai, noquen nincati joi nincaxon —hahcanquin.

Juan 20:31

Jaabi Jesus noquen Papa Diosen baque Cristo hi man honancoinnon hihxon tah hen nea huishahahqui, nincacoinax Jesus qui hinamehtax man jihueyaxihnon.

Juan 5:18

Jascajaha hashoan sca Jesus rehtecatsihquibohi. Jan tantiti neten tantiyamahi copi rehtecatsihquibo. Papa Dios betan jasca rabe hihquish, Papa Dios ta heen papa qui jan jaiton.

Juan 5:37

Hea raanni heen papan ta hehqui yohicoinihqui. Jan yohuanai tah man jahuentianbi nincayamanihqui. Beron rihbi tah man jaa jisyamaniqui jahuentianbi.

Juan 6:69

Mia Papan raanai jahuen caisti joni tah non mia honancoinai. Shinanquin sirijaquin tah non honanscai —hahquin Simoman.

Juan 9:35

Catanhue hahcaibo joi nincaxon benche hihpahoni meraxon Jesusen yocaquin: —¿Noquebaquen yohihah min nincacoinyamahin?

Hahnibo 1:9

Jascahiton cahen Papan jaa bihinihniquin jaton jisnonbi. Nai cohiman pantehah cahen jisyamascacanquin.

Hahnibo 7:37

Jaa Moisesnin ta noque israeli baquebo yohinishqui: Mato tocan ta hea quescapa jahuen joi yohinica Papan cainmatihiqui maton huetsabo janinhahbi, hahquin.

Hahnibo 8:36

Bahin taramehcanahi cahax jano hian jaiton sca nococani. —Jise. Jano ta jene jaiqui. ¿Jenquetsahpahi min hea nashimatimahin, Jesusen joni sca hea hihnon? —Felipe yocaquin.

Romanobo 1:4

Noquen naihoh queha Papan ta jahuen coshiyaxon noque jismanishqui, jahuenahbi jahuen baque Cristo hihqui non honannon. Jan hihquipi bi hahquirihbi teehihmaxon huenixon ta Papan noque jismanishqui. Jaa jahuen baque Jesucristo ta noquen Hihbo qui.

Hebreobo 2:1

Jahuen baquen noque nincamani copi tah non hihti nincati jai, nincaquin sirijaquin. Nincayamahax huaca noqueya tejabahcahini quescapi jano jahuen jihuetahbo yamahiton non camis.

2 Pedro 1:17

Jaa hihti shinanya jai noque jismahahnan ta xaba coin janinhax Papa hahqui yohuanishqui: Nea ta heen hahan hen queenai heen baque qui. Hahan tah hen hihti jenimahi, hihqui.

1 Juan 5:20

Noquen Papa coin non honannon ta jahuen baque jonishqui, shinan noque hinani. Jaa noquen quiquin Papa betan tah non hihqui. Jahuen baque Jesucristo betan rihbi tah non hihqui. Non tah non honanai. Noquen Papa ta Dios coin qui. Jaan jihuemaha tah non queyoyamanox manascai.

Jayaxihquibo 1:7

Jistahi man. Nai cohiman ta jahuiqui. Jatihixonbi ta jaa jisyaxihcanihqui. Jaa naconihbaan rihbi ta jisyaxihquiqui. Jatihibi mai mehabo ta hihti benatax huaohihyaxihquiqui. Jasca ta jayaxihquiqui. Jascari rahan.