Lucas 6:8 - Capanahua

⁸ Jahua yohuan jaabo rahsi jaiquin jahuen jointinin honanxon ta jaton nincanonbi meyosma joni sca yohinishqui: —Huenihihnatax naponbi nihhue —hahquin. Jascajaha huenihihnatax jato tocanbi nihrenenscai.

Lucas 6:8 Iomraidhean Croise

Mateo 9:4

Jahua jaton jointinin shinanihquin honanxon, Jesusen jato yocaquin: —¿Jahua copi man maton jointinin tiromajaquin shinanain?

Marcos 3:3

Jesusen sca meyosmahi yohiquin: —Noque tocanbi johue —hahquin.

Lucas 13:12

Jaa meraxon mequeman mehehax Jesus coshin yohuani: —Rohascahue, chocan —hahquin.

Lucas 5:22

Jaya baxexaibo honanxon Jesusen jato yocaquin: —¿Jahua yohuan man maton jointinin jain?

Lucas 6:9

Reren rerenaibo sca Jesusen yocaquin: —¿Tantiti neten non siribojaxontimahin? ¿Tantiti neten non tiromajatihin? ¿Joni huetsa non tantiti neten jihuematihin? ¿Non mahuamatihin? Hea yohinahue —hahquin Jesusen.

Juan 2:25

Jatihibi jonibaan shinanai jaanbi jahuen jointinin honanscai copi, Jasca ta shinancaniqui hihnica pishinyamahi.

Juan 21:17

Jahuen quimisha coti sca yocarihbiquin: —Simon, Juaman baquen, ¿min hehon queenain? —hahquin. Min hehon queenain hahquin jan quimisha coti yocacai copi Pedronen masa shinanscaquin. —Mian tah min jatihibi honanai, Hihbon. Mihon tah hen queenai. Min tah min honanai —hahquin Pedronen. —Heen carnerobo pimaxonhue.

Juan 9:4

Hea raanni heen papan teebo jahti ta noque jai, bari queya parihiya. Tsoabi teeti hahtipahyamascanon ta yametihiqui.

Hahnibo 20:24

Jaabi hea rehtecanmis hih ta hea jayamahi. Noquen Hihbo Jesusen hea yohini quescabijaquin Papan jatohon shinanai joi siri yohiti res tah hen queenai. Papan hea yohihi cahue hahca tah hen cahi, jano hea raanaiton.

Hahnibo 26:26

Noquen quiquin hapo hihxon tah min hen yohuanai min honanquin sirijahi. Jaa copi tah hen shinanquin sirijahanan yohuanai. Hen yohuanai tah min honanscai. Hen tah hen honanai. Hen mia rahma yohihi tah hen jonéxon hahyamaniqui.

Filipos 1:28

Mato raquejahabaan bi raqueyamanahue. Jahua qui bi raqueyamahi. Mato masa tenemahibo ta hahan honanti qui. Mato jascajaxon tiroma janin jaabo cayaxihquibohi honancanquin. Man tenehi rihbi ta hahan honanti qui, man queyoyamanox manatihi man honannon. Papan ta jascajaquin yohihiqui.

Hebreobo 4:13

Jaan jisi ta jonetai jahuabi yamahihqui. Mahpohahbo ta mahpohahma qui, janibi racatai quescapahbo, jaan jisí. Noque jascajaquin jisi yohuanai tah non nincati jai.

1 Pedro 4:1

Yorayahpaxon ta tiromajahahbo Criston tenenishqui. Jan teneni quescajaribiquin shinan coshinahue, tenenoxon. Noquen yora tiromajahah bi tenexon tah non hohchati shinanyamascai.

Jayaxihquibo 2:23

Jahuen baquebo rihbi tah hen mahuamaquin queyobahinyaxihqui. Jaatian ta jatihibi janin tsinquitai nincacoinaibaan honanyaxihquiqui. Noquen Hihbaan ta noquen shinanboya noquen jointibo honanihqui hih ta jayaxihcanihqui. Jasca tah min janiqui hihxon tah hen siribo hahxoncoinquin bi caibo rihbi sca rishquipaqueyaxihqui.