Lucas 6:28 - Capanahua

²⁸ Mato roahibaan bi jato qui Papa yocaxonnahue. Mato tahtijahibaan bi jato yocaxonnahue.

Lucas 6:28 Iomraidhean Croise

Mateo 5:44

Jascari janíbaan bi tah hen hean mato yohihi: Maton rahuibohon shinannahue. Mato tiromajahahbo bi jato yocaxonnahue.

Lucas 23:34

—Jaton hohcha jato sohuaxonhue, Papan. Hea honanyamaxon ta hea nescajacanihqui —hihqui Jesus. Jihuin Jesus hueonxon sca tsoan jahuen chopa bihtihiquin hihxon macan bero pishca borasa qui nanexon chicohah huetsa macan pari cainaiya huetsan jahuen chopa bihnon, huetsa macan pari cainaiya huetsan sca jahuen chopa bihnon hihxon, jascajaquin jahuen chopa bihcanquin.

Lucas 6:27

Mato tah hen yohihi, nincanahue. Maton rahuibohon shinannahue. Mato jistahihmahibaan bi jato sirijaquin hahxoncoinnahue.

Lucas 6:35

Jaabo jascahi bi tah man maton rahuibohon man shinantihi. Jascapahbo siribojaxonnahue. Hinantahxon bihribiti masa shinanyamanahue. Naihohxon sca ta Papan mato hinanrihbiyaxihquiqui, hashoan hicha sca. Bihribiti shinanxonma hinantahbax tah man noquen naihoh queha Papan baquebo jihuetihi. Jaan rihbi ta jahuen sinatahbohon shinanihqui, jahuen tiromabohon bi shinanquin.

Hahnibo 14:5

Jasca sca jaiya cahen jato tiromajaxon macaman tsacanon benahue hihcani judiomabo, judiobo, jaton hapobo rihbi.

Hahnibo 7:60

Jascajahax raboxonen nichish coshin sca yohuani: —Hea nescajahax hohchataibaan bi jato casticanyamahue, Hihbon —hihqui. Jascahax cahen mahuascai.

Romanobo 12:14

Caibaan mato tiromajahah bi jato yocaxonnahue. Jato join bahchinnanxonma bi Papa jato yocaxonnahue, jan jato shinan siri hinannon hihxon.

1 Corinto 4:12

Noquen mequeman noque tee teeti. Noque qui tiromahi rainyamahibo bi noquen tenexon jato yocaxonquin. Noque tiromajahibaan bi noquen tenequin.

Santiago 3:10

Jaa jana huesti janinhax ta yohuan siriya yohuan tiromabo cainihqui. Jascajatima ta jaiqui, hea huetsabaan.

1 Pedro 3:9

Caibaan mato tiromajahah bi copiyamanahue, mato tiromajaquin yohihahbaan bi jato copiyamarihbiquin. Copixonma Papa jato yocaxonnahue. Man jato yocaxonti ta Papan yohihiqui, mato shinan siri hinannoxon.