Lucas 5:20 - Capanahua

²⁰ Jan jato rohajaxontihi shinancoinaibohi jisxon, racatai joni Jesusen yohiquin: —Miin hohcha tah hen mia sohuaxonai, hiconin.

Lucas 5:20 Iomraidhean Croise

Mateo 9:2

Jano ta yora honanyamajaquetax racatai joni sca Jesus qui hihuecannishqui. Jahuen racatininbi huaquehihnixon hihuecanquin. Jaa jan jato rohajaxontihi shinancoinai jisxon, racatai joni Jesusen yohiquin: —Raqueyamahue, baquen. Miin hohcha tah hen sohuaxonai.

Mateo 9:5

¿Jahuemeha hashoan teema yohiti quin? ¿Miin hohcha tah hen sohuaxonai hahquin? ¿Huenihihnatax nihaquetanhue hahquin?

Marcos 2:5

Rohajatihi shinancoinaibo jisxon yora honanyamajaquetai joni sca Jesusen yohiquin: —Miin hohcha ta sohuá scah qui, baquen —hahquin.

Lucas 7:48

Haibo sca yohiquin: —Miin hohcha tah hen sohuaxonai —hahquin.

Juan 2:25

Jatihibi jonibaan shinanai jaanbi jahuen jointinin honanscai copi, Jasca ta shinancaniqui hihnica pishinyamahi.

Juan 5:14

Jaa pecaho Papan xobohoxon jaa merarihbixon: —Jise. Mia tah min siriscai. Hohchayamascahue hashoan tiromamis —Jesusen jaquin.

Hahnibo 11:23

Nocoxon Papan jahuen shinan jato hinanai jisish jenimahi. Noquen Hihbo jeneyamahahbo hihxon cahen jaan jato yohiquin sirijaquin noquen Hihbaan yohihi quescabijaquin hahcabo hihxon.

Hahnibo 14:9

Jaan cahen Pablo yohuanai nincaquin. Jaa Pablonen bejisquin sirijaquin. Jisanan Papan mehehah rohatihi jan shinanai honanxon coshin sca yohiquin:

2 Corinto 2:10

Huetsana man shinanyamascai jahuen hohcha tah hen hean rihbi shinanyamascai. Hean shinanbehnomaxonaibo tah hen Cristo bebonxon shinanbehnomaxonai, man shinan bihnon.

Colosas 3:13

Tiromahibo tenenannahue. Heen huetsa ta hehqui tiromahiqui hih min jacatsihxon bi jan mihqui tiromahibo shinanyamahue. Maton Hihbaan maton hohcha shinanyamascai quescajanahue.

Santiago 2:18

¿Mian min noquen Hihbo hihcoinai shinanain? hah ta caibaan jatihiqui. Hean tah hen jato hahxonai. Jahuabi hahxonxonma min hihcoinai shinanai hea jismahue. Jahuabi hahxonxonma min hea jismacatsihqui bi tah hen yanapanquin hahxonquin hean hen hihcoinai shinanai hean mia jismatihi min honannon.