Lucas 23:40 - Capanahua

⁴⁰ Ramiho quehaton sca joi bichinxon jahuen hahbe tiroma joni qui rainyamascai: —¿Mia min Dios qui raqueyamahin? Mia rihbi tah min mahuanoxihqui.

Lucas 23:40 Iomraidhean Croise

Mateo 20:9

Bari hihquicatsiscaiya cahabo jahuiya sca jato copijapaquequin, joni tihibi huesti neten teexonbahinaha patorobaan copijahi tihi copijaquin.

Mateo 8:26

Mohinahbo sca: —¿Jahua jenquetsih man raquetain? Hihcoinai shinanxon bi tah man hicha nincayamahi —jato jaquin. Huenixon sca nihue yohixon hian rihbi yohiquin tantiscahabo. Yohihah, tanticahinscai. Siriscai.

Lucas 12:5

Huetsan ta mato rehtexon mato casticanti rihbi hahtipahiqui. Hahqui raquenahue, bihxon chihi janin mato potamis. Hahqui caya raquenahue.

Lucas 23:39

Jaa patax hueonahbo huesti sca yohuani, yometsoh huesti: —¿Mia min Cristo quin? Mihri rohajahatax botoxon noque rihbi hahxonhue —hihqui hosani.

Lucas 23:41

Noque rabe non tiromajani copi tah non rahma mahuatai. Non caibo hahni quescaja ta noque jacanihqui. Noque quescayamahi ta nea jahua tiromayamanishqui —hahxon, Jesus sca yohiquin:

Efesiobo 5:11

Yamebaquebaan hahcai ta tiroma qui, jahuabi siri yamahi. Jato hihquihinyamanahue. Jato yanapanquinma bi hihtimahabo xabajaquin quescajaquin jato yohinahue. Tiromahi honanahbo hihxon yohinahue.

Jayaxihquibo 15:4

¿Tsoa mihqui raqueyamahihquin, Hihbon? Mihqui ta jatihibi jonibo ponte bi res siripi yohuanti jaiqui. Mia huesti tah min jascapa hihti siri qui. Ponte bi res min hahcai copi ta jahuex jatihibi nahuabo raboxonen nichish mihqui betihihpaquexihquiqui hihcani behuahibo.

Jayaxihquibo 16:11

Jaton hisin copi noquen naihoh queha Papa Dios hichacanquin. Jaton nobebo copi jaa roacanquin. Casticana bi jascabihi tiromacani, jaton shinan ponteyamacanquin.