Lucas 2:47 - Capanahua

⁴⁷ Jan honanxon yohuanquihna haxemanicahbo rahteti. Nincaqui jano tsahotaibo rihbi rahteti.

Lucas 2:47 Iomraidhean Croise

Mateo 13:54

Jahuen main cahi. Cahi nocotax jaton tsinquiti xoboho mapexon janoxon jahuen caibo Papan joi yohiquin. Jaan jato haxemaha, rahte rahtecani. —¿Jahuerahnon haxenihxon hen neatohon yotiho honannishquin? ¿Jenquetsahaxon coshi bihxon jonibo rohajahiquin?

Mateo 22:33

Jesusen jato yohihi ta tsamajaquetaibaan rihbi nincanishqui. Nincacax bi ¿jasca hin? hihquish rahte rahtecani.

Mateo 7:28

Jesusen jato jascajaquin haxemaha ta tsinquijaquetaibo rahte rahtenishqui.

Marcos 1:22

Haxemaha rahtecani. Huishani honanbaan haxemahi quescajaquinma bi hapon hahcai quescajaquin jato haxemaha ta rahtecannishqui.

Marcos 11:18

Jan jascajahi sacerdote hapobo betan huishani honanbaan nincaquin. Jatihibi tsamajaquetai jonibo jahuen honanmati joi qui rahtetaiya hahqui raquexon jenquetsahaxon non jaa rehtetihin hihxon shinancanquin.

Marcos 6:2

Tantiti neten sca haho tsinquiti xobohoxon jato haxemaquin. Nincacax hicha jonibo rahte rahteti. —¿Jahuerahnohax nescapa yohuan haxenishquin? ¿Jenquetsahpa shinan bihnishquin? ¿Jahua coshin jahuen mequeman hahquiquin?

Lucas 2:18

Yohihahbo jatihibi rahtecani. Coirannicahbo yohuanai joi jahua hihcatsihquiquin hihcani, rahtetax.

Lucas 2:46

Jano quimisha neten benacasquimacanquin. Benabonaxon sca Papan xoboho haxemanicahbo betan jaa tsahotai meracanquin. Haxemanicahbo yohuanai nincanoxon, jano jaa tsahotai merascacanquin. Hashoan honancatsihquin jato yocarihbiquin. Jato betan yohinani tsahotai.

Lucas 4:22

Jan yohihah nincaquin sirijahax rahte rahtescacani. Papan noque hahxoncoinai joi ta noque nincamahaxqui hihquish rahte rahtecani. Jaatian sca shinanax: —Nea Josepan baquema quin —hihscacani.

Lucas 4:32

Jan yohihah nincacax ta rahtecanishqui, shinan hihboxon jaan jato honanmaha copi.

Juan 7:15

Jan jascahiya rahtetax judiobo yohuani: —¿Jenquetsahaxon neatohon huisha joi honanishquin tsoanbi quirica honanmanima bi? —hihcani.

Juan 7:46

—Tsoabi ta jan yohuanai quesca jayamanishqui, jahuentianbi —hihqui jaton porisiabo sca.