Juan 9:3 - Capanahua

³ —Jan hohchani copima ta qui. Jahuen papabo rihbi hohchani que ma bi tah qui. Papan coshiyaxon jaa rohajahi jisíbo ta benche jahuen maman bihnishqui.

Juan 9:3 Iomraidhean Croise

Mateo 11:5

Benchebaan ta jisresscaiqui. Chantobo ta nihresscaiqui. Sipiyahpabo ta rohascaiqui. Pabebaan ta nincascaiqui. Mahuatahbo ta hahquirihbi teehihscaiqui. Jahuaborajomabaan ta joi siri nincaquihqui.

Juan 11:4

Yohiha Jesusen yohiquin: —Mahuanoxonma bi ta hisinihqui. Papa Dios nete hihbohi jisibo ta hisinihqui. Hea Papan baque xaba hihbohi honanahbo ta hisinihqui —jato jaquin Jesusen.

Juan 11:40

—¿Hihcoinai shinanxon tah min noquen Papa nete hihbohi jistihi hen mia jayamahaquin? —Jesusen jaquin.

Hahnibo 28:4

Jahuen mequen qui rono hueotai jisish janohahbo yohuani: —Jaa rah ta joni rehtemis qui. Hiaman rehtequin bi cahnehah bi ta ponte yoshiman jihuematimahiqui —hihcani.

Hahnibo 4:21

Jascaraiton jato tahtijaribicanquin. Jema janin jato nincacatsihquibo hicha jai quen jenquetsahaxon casticanti honanyamaxon tahtijaribixon jato Boresscatannahue hahrescanquin. Jaa rohajahipi honanxon texe jatihixonbi, Hahxon tah min jaa jai Papan, jaiboya, casticanti hahtipahyamacanquin.

1 Juan 4:16

Noquen Papan noquehon shinanai tah non honanai, shinancoinquin. Noquen Papa ta huetsahon shinanti shinan hihbo qui. Jaton huetsahon shinani jihuetaibo ta Papa betan hihquibo qui, Papa rihbi jato betan hihqui.

1 Juan 4:9

Non jaa copi jihuenon hihxon ta jahuen baque jaa huesti Papan raannishqui, yorayahpahax jonon. Jaa raanquin ta jan noquehon shinanai noque honanmanishqui.