30 Jascajaquin jato yohihah hichaxon nincacoincanquin.
Janoxon sca hichaxon nincacoincanquin.
Jan Lázaro teehihmahi jisxon María manahi jahui judiobaan sca hihti caiboxon nincacoinquin.
Pascua fiesta tian Jerusalen janinxon hahan honantibo Jesusen hahcai jisxon: —Papan caisai noque tah qui —hahcanquin hicha jonibaan.
Jascajaquin Papan coshiyaxon jan hahcai jisish: —Nea coin ta Papan joi yohinica main joyaxihqui yohicanpahonishqui —hihqui pihi tsahotaibo.
Rehteti shinan caibaan jai bi hicha noquebaan Jesus nincacoinquin. —Neatohon ta hahan honanti hahquiqui, hicha. ¿Cristo joxon, neatohon hahcai quescajaxon bi hashoan hicha rihbi hahan honanti hahtihiquin? —hahcanquin
