Juan 6:38 - Capanahua

³⁸ Hea queenai quescajahi tah hen joyamaniqui. Hea raanni queenaijahi tah hen naihoh quehax botopaquetax joníqui.

Juan 6:38 Iomraidhean Croise

Mateo 20:28

Jonibaan hea hahxonnon hihquish tah hen joyamaniqui. Jato hahxonnoxon hihquish tah hen joníqui, noquebaque hihqui bi. Hicha jonibo jihuenon hihxon tah hen hehrí jato rehtemahi. Hen jato hahxonti shinanai quescajaquin shinannahue —jato jaquin.

Juan 3:13

Tsoabi naihoh catanni que ma bi tah hen janohax botopaquetai hea huesti jano canicah qui, hea noquebaque.

Juan 3:17

Main jihuetaibo casticani jonon hihxonma bi hen jato jihuemahi jonon hihxon ta Papan hea raannishqui.

Juan 3:31

Bochiquihax jahui jonin ta jatihibi joni hihbojahiqui. Mainxon jonijahabo ta mainxon jisish jan jisiboya yohuanihqui. Naihoh quehax jahui joni ta jatihibi jonibaan hihbo qui.

Juan 4:34

Jascahibo bi: —Hea yononi queenai quescajaxonti ta heen piti qui. Jahuen tee queyoxonti rihbi ta heen piti qui.

Juan 5:19

Jesusen jato yohirihbiquin: —Yohicoin ta hen mato jai: Papan baquexon bi tah hen hehmebi jahuejati hahtipahyamahi. Heen papan hahcai jisxon pari tah hen hahcai, jatihibi heen papan hahcai quescabijaquin hean rihbi hahquin.

Juan 5:30

Hehmebi tah hen jahuejati hahtipahyamahi. Papa nincaxon res tah hen jato casticantihi. Jaa copi tah hen pontejaquin shinanxon casticanyaxihqui. Jaan hea yononixon shinanai quescajaquin tah hen jascajatihi. Heabi hen queenaijah ta hen jayamahi.

Juan 6:29

—Papan raanai joni nincacointi ta jaa tee qui —Jesusen jato jaquin.

Juan 6:33

Jaan hinanai piti ta naihoh quehax botopaquetihqui, jaa pihax jihuetahbo —Jesusen jato jaquin.

Juan 6:42

—¿Nea Jesus janeya joni Josepan baquema hin? ¿Jahuen papa, jahuen mama non honanyamahin? ¿Jenquetsahaquin sca Hea tah hen naihoh quehax paquenihqui hah noque jaiquin? —hihcani.

Juan 6:57

Heen papa ta jihuetihqui. Hea ta raannishqui. Hea jaa copi jihuetai quescarihbi ta hea pihibo jihuetihiqui, hea copi.

Romanobo 15:3

Noquen Hihbo Cristo rihbi ta jaabi queenai quescayamahi bi noquen naihoh queha Papa queenai quescanishqui. Jaa copi ta hahqui rainyamacannishqui, jonibo. Jaa yohihi ta huishani joi jaiqui: Mia hichacaibaan ta hea sca hichaquiqui hihqui jaa joi.

Efesiobo 4:9

Hinahihnatai jan hihqui bi ta nai naman main caman bototax res sca hinatai yohihiqui.

Hebreobo 5:8

Papan baque hihxon bi ta Papa queenai quesca jati haxenoxon tiromabo tenenishqui.