Juan 5:39 - Capanahua

³⁹ Papan huishani joi jisquin sirijanahue. Hea yohihi joi ta jaa qui, hahan hea honantihi bi tah man hahan mahuataxma jihueti man shinanai.

Juan 5:39 Iomraidhean Croise

Mateo 22:29

Jasca jaiboya, jato yohiquin: —Papan huishamani joi honanyamaxon tah man honanai shinanxon bi honancoinyamahi. Papan coshi rihbi honanyamaxon tah man shinancoinyamahi.

Marcos 10:3

—¿Jahua Moisesnin huishanishquin, man jascajanon? —jato jaquin.

Marcos 12:10

¿Nescajaquin huishani joi man jisyamaniquin? Tiroma ta jaiqui hihxon xobojahibaan potabohannihbo jihui ta hahqui xobojati jihui qui.

Lucas 16:29

Moisesnin huishani joibo ta jaabo jaiqui, Papan joi yohinicabaan huishani joi rihbi. Jaa joibo jaabaan nincacoinnon, hahquin Abrahanen.

Lucas 16:31

Moises nincayamaxon, Papan joi yohinicabo rihbi nincayosmaboxon ta huesti mahuatipish bi hahquirihbi jihuexon jato yohihah bi nincatimarihbicaniqui, hah sca Abrahanen jaa janon —jato jaquin.

Lucas 24:25

—Honanyamahibon. ¿Yotiho chahoma maton jointi quin? Papan joi yohinicabaan yohini joibo jatihibi man nincapanan.

Lucas 24:27

Jato jascajaxon, Moisesnin huishani joibo jato honanmaquin sirijaxon, texe Papan joi yohinicabaan huishani joibo sca jato honanmapaquequin, Cristo yohihi joi rahsi.

Lucas 24:44

Pixon jato yohiquin: —Mato betan jihueparixon tah hen mato yohinihqui, hea yohihi Moisesnin huishani jatihibi jai quesca ta jatihiqui. Huetsa Papan joi yohinicabaan huishani joibo, Davidinin behua janin rihbi jaibo quesca sca ta jatihibi jatihiqui.

Juan 1:45

Natanael meraxon, Felipenin yohiquin: —Papan joi huishaquin Moisesnin yohini joni tah non meratanai. Papan joi yohinicabaan rihbi hahqui huishaxon yohini. Josepan baque Jesus tah qui, Nazaret janinhah —hahquin.

Juan 5:32

Hea jahua quin honanahbo ta huetsa yohuancoinihqui. Hea yohihi jan hihcoini yohuanai tah hen honanai.

Juan 5:36

Heen papan ta hea teebo yohinishqui hean queyoxonnon. Jaa ta hen hahcai, hea papan raanni man honancoinnon hihxon. Hean hahcaibo ta hea yohihi joi quesca qui, hahan hea honanti. Juaman yohini nincaxon hahan hea honantihi bi hean hahcai jisxon hashoan sirijaquin honanti.

Juan 5:40

Hean mato teehihmanon hehqui jotihi bi tah man jocatsihyamahi.

Juan 5:46

Moisesnin huishani joi nincacoinxon cah man hea rihbi nincaquehanai. Hehqui ta jaan huishanishqui.

Juan 7:52

—¿Mia rihbi tsi ra min Galilea mai meha quin? Papan joi jisquin sirijaxon, Galilea mai janinhax Papan joi yohinica jotima honanhue —jacanquin.

Hahnibo 13:27

Jaa teehihmanica jisxon bi ta jaa honanyamacannishqui. Jatihibi tantiti neten Papan yohinicabaan joi nincamaha bi nincayamarihbixon ta Jerusalen janin jihuetaibaan jaton hapobo betan jaa rehtemacanishqui, jayaxihquibo Papan yohini quescabijaquin.

Hahnibo 17:11

Jaabo ta Tesalónicabo mentan hashoan shinanya janishqui. Hihti honancatsihxon Papan joi nincacanquin. Jasca coin hin hihxon jatihibi neten Papan huishamani joi jisquin honancatsihquin.

Hahnibo 26:27

¿Papan yohinicabaan huishaxon yohini joi min nincacain, Agripa quiquin hapon? Ninca tah min jai. Hen tah hen honanai —hahquin Pablonen.

Romanobo 1:2

Jahuen joi yohinicabo huishamaquin ta neateman bi res Papan yohinishqui, noquen Hihbo Cristo jan raanyaxihqui yohiquin.

Romanobo 3:2

Jascapahbo non janon ta jahuen joi huishamaxon Papan noque hinannishqui, non jaya hihnon.

Colosas 3:16

Criston joi rihbi maton jointi janin bexojanahue hicha. Shinanquin sirijahax honanmahanannahue pontejaquin yohinani. Behuarihbinahue. Papan huishani behuahi. Matonbi shinanax behuarihbinahue noquen Hihbo qui behuahi. Maton jointinin shinanax Hahxon tah min noque jai Papan hihqui behuahi.

Hebreobo 11:16

Hashoan siri mai queenax ta boribiyamanishqui, naihoh queha mai queenax. Jaa copi ta Papa Dios jaton Papa hihti hihtimahyamahiqui, huetsa jema jato bexojaxonnish.

Hebreobo 11:35

Jaton haibobaan ta jaton baquebo mahuatax bi hahquirihbi teehihqui hicotancannishqui. Caibaan rihbi ta Papan joi jato jenemacatsihquin tiromabaan hisinjahah bi tenenishqui, rehtehah bi Papan joi jeneyamabiresquin, hashoan siri jihue jayanoxon teneresquin.

Jayaxihquibo 19:10

Hea jascajaha cahen raboxonen nichish jaa yohuanai qui betíhihpaquecatsihqui bi: —Jascayamahue. Mihbe Papan joni tah hen hea qui, miin huetsabaan hahbe joni rihbi tah hen hea qui, Jesusen joi yohihibaan huetsa. Papa huesti qui betihihpaquehue. Papan joi yohihibo jatihibi ta Jesusen joi yohinicabo qui —hea jaquin.