Juan 19:4 - Capanahua

⁴ Jaatian judiobo qui Jesus hahquirihbi picoxon Pilatonen jato yohiquin: —Jisnahue. Man jisnon tah hen mato jismahi. Hean jisi ta jahuen hohcha yamahihqui. Man honannon hihxon tah hen mato yohihi.

Juan 19:4 Iomraidhean Croise

Mateo 27:19

Janoxon joni ponteti sca Pilato tsahoscai. Jano tsahotai bi ta joni raanxon jahuen haibaan yohinishqui: —Siri joni tah qui. Jahuabi jahua hahyamahue. Rahma jaya namaxon tah hen hihti masa shinanai.

Mateo 27:24

Jan jano jahuabi hahyamahi bi hashoan sca corocanahibo jai jisxon, jeneya benahue jaax jaton jisnon bi mechoquihti. —Jahuen jimi ta hehqui hueoyamahiqui. Mato quibi ta paquetihqui, jisnahue —jato jaquin.

Mateo 27:4

—Hohchajoma joni mato bihmahi tah hen hohchatai —jato jaquin. —¿Min jascahah bi jahueja non noquen jatihin? Mianbi jise —hahcanquin.

Mateo 27:54

Jesus mahuataiya jascapa huinotai jisish ta jano coiranai sontaro capitan hihti raquenishqui, jahuen sontarobo rihbi hihti raqueti. —Jaa ta Papan baque coin hihnishqui —hihcani.

Lucas 23:4

—Hean jisi ta jahua copi nea joni demandanti yamahihqui —judio hapoboya jano tsamajaquetaibo Pilatonen jaquin.

Lucas 23:41

Noque rabe non tiromajani copi tah non rahma mahuatai. Non caibo hahni quescaja ta noque jacanihqui. Noque quescayamahi ta nea jahua tiromayamanishqui —hahxon, Jesus sca yohiquin:

Lucas 23:47

Jatihibi jisish jano nichi sontaro capitan sca yohuani: —Papa Diosen ta jisiqui. Nea joni ta siri joni hihquishqui —hihqui.

Juan 18:33

Jahuen xoboho hihcorihbixon Jesus quenaxon Pilatonen yocaquin: —¿Mia min judiobaan quiquin hapo quin? —hahquin.

Juan 18:38

—¿Hihcoinai jahua quin? —hihscai Pilato. Jascahax Pilato caini judiobo qui. —Jahua hohchabi ta hen jisyamahi.

Juan 19:6

Sacerdote hapobo betan porisiabaan sca Jesus meraxon coshin yohiquin: —Jihuin hueonhue. Jihuin hueonhue —hahcanquin. —Jihuin hueonnahue matonbi. Jahuen hohcha ta yamahihqui, hean jisi bi —jato jaquin Pilatonen.

2 Corinto 5:21

Noque hohchajomabo janon ta Papan jaa noquen hohcha hinannishqui, jan hohcha honanyamanih bi. Hahqui hinamehtax non noquen Papa ponte siri hihqui quescarihbihi non ponte siribo janon hihxon ta noquen hohcha jaa hinannishqui.

Hebreobo 7:26

Queyoyosma yohuanxonnicah tah non hihti pishinpahonihqui. Jaa ta joni siri qui, hohchajoma, jahuabi jahuen tiroma yamahi, tiromabo manayamahi, naihoh hihti hapo sca jaa jai.

1 Pedro 1:19

Jahuen jimin caya ta mato bihnishqui. Jaton hohcha copi mahuanon ta noquen xenibaan hihti siri carnero caispahonishqui, jahuen yora janin jahuabi cahcoya yamahi, jahuenbi jahuabi tiroma yamahi. Siriresi. Jascarihbihi ta Cristo janishqui, hihti shinanya, jahuabi hohcha yamahi. Jascapahxon ta mato jahuen jiminbi bihnishqui.

1 Pedro 2:22

Cristo ta hohchayamanishqui. Jaan ta jahuentianbi paranyamanishqui.

1 Pedro 3:18

Cristo rihbi ta hohchayabo copi huesti coti mahuanishqui. Jaa ponte hihquish bi noque pontemabo copi mahuati, noquen Papa qui noque hionoxon. Jahuen yora rehtehipibaan bi ta Dios Yoshiman teehihmaha jihuerihbiscaiqui.

1 Juan 3:5

Noquen hohcha queyohi ta Cristo jonishqui. Jaa tah non honanai. Jahuen hohcha ta yama bi res qui.