Juan 18:33 - Capanahua

³³ Jahuen xoboho hihcorihbixon Jesus quenaxon Pilatonen yocaquin: —¿Mia min judiobaan quiquin hapo quin? —hahquin.

Juan 18:33 Iomraidhean Croise

Mateo 27:11

Jaatian gobernador bebon Jesus nichi. Jano hihuehahbo Gobernador yocacahti Jesus: —¿Mia min judiobaan quiquin hapo quin? —hahquin. —Min yohihi quescari rahan —hahquin Jesusen.

Mateo 27:27

Jahuen sontarobaan sca Jesus bihxon, gobernador xobo chicho hioxon, jaton hahbe sontarobo quenacanquin.

Marcos 15:2

Pilatonen sca yocaquin: —¿Mia min judiobaan quiquin hapo quin? —hahquin. —Min yohihi quesca rahan —hahquin.

Lucas 23:2

Janoxon sca quesa cahecanquin. —Nea tah non noquen caibo hihbojacatsihquiton merahahquin. Quiquin hapo Cesaro copijayamahabo ta jato haxemahiqui. Quiquin hapo Cristo jan hihqui ta yohirihbihiqui —hahcanquin.

Juan 1:49

—Mia tah min Papa Diosen baque qui, Maestron. Mia tah min israelibaan quiquin hapo qui —hihscai Natanael.

Juan 12:13

Honanax binon pehi bihbahinax Jesus behchihi bocani. Quenacanahi bocani: —Hosanná. Nete hihbaan raanai joni ta jahuiqui, israelibaan quiquin hapo. Papan shinanyahpa tah qui —hihcanahi bocani.

Juan 12:15

Raqueyamanahue, Sion jema baquebon. Maton quiquin hapo ta jahuiqui, cabacho baque cahtsahotax.

Juan 18:34

—¿Mianbi shinanxon min hea yocacain? ¿Caibo hehqui yohuanah min hea yocacain? —hahquin Jesusen.

Juan 18:37

—¿Mia min quiquin hapo qui nan? —Pilatonen yocaquin. —Quiquin hapo hea hihqui hah tah min miabi jai. Jaamama jaabijaquin yohinoxon tah hen cainnihqui. Jaa copi tah hen nai naman joniqui. Jatihibi hihcoinai yohuannicaton ta heen joi nincaquihqui —hahquin Jesusen.

Juan 18:38

—¿Hihcoinai jahua quin? —hihscai Pilato. Jascahax Pilato caini judiobo qui. —Jahua hohchabi ta hen jisyamahi.

Juan 19:12

Jascahah Pilatonen picocatsihqui bi judiobo coshin yohuani: —Min jaa picohi tian tah min quiquin hapo Cesaronen hamicoma sca min jatihi. Jatihibi quiquin hapocatsihquibo ta Cesaronen rahuibo qui —hahcanquin.

Juan 19:3

Sahuemaxon hahqui jori jorixon: —Jihuehue, judiobaan quiquin hapon —hahcanquin. Jascajaxon tihibi tantashahcanquin.

Juan 19:4

Jaatian judiobo qui Jesus hahquirihbi picoxon Pilatonen jato yohiquin: —Jisnahue. Man jisnon tah hen mato jismahi. Hean jisi ta jahuen hohcha yamahihqui. Man honannon hihxon tah hen mato yohihi.

Juan 19:9

Jahuen xoboho hihcorihbixon Jesus yocarihbiquin: —¿Jahuerahnohah mia quin? —hahquin. Yocacah bi jahua hihyamahi.

1 Timoteo 6:13

Noquen Papan ta jatihibi mohitahpabo jonijanishqui. Jahuen nincanon bi tah hen mia yohihi. Jesucriston nincanon bi rihbi. Jaan ta Poncio Pilato yohinishqui: Hea tah jihuemanicah qui, hahquin.