Juan 17:10 - Capanahua

¹⁰ Henabo jatihibi ta mina qui. Minabo jatihibi rihbi ta hena qui. Jaabo heen shinanyahpabo quen ta hea nete hihbohi honancantihiqui, mai mehabaan.

Juan 17:10 Iomraidhean Croise

Juan 10:30

Heen papa betan tah hen huesti yora qui —jato jaquin Jesusen.

Juan 11:4

Yohiha Jesusen yohiquin: —Mahuanoxonma bi ta hisinihqui. Papa Dios nete hihbohi jisibo ta hisinihqui. Hea Papan baque xaba hihbohi honanahbo ta hisinihqui —jato jaquin Jesusen.

Juan 12:23

—Hea noquebaque Papan shinanya hihqui ta rahma jisnoxihcanihqui.

Juan 5:23

Papa Dios Nete Hihbohi man honanai quescajaribiquin man jahuen baque Nete Hihbohi man jatihixonbi honannon ta jascajahiqui. Jahuen baque ta nete hihboma qui hihquibo ta Jaa raanni jahuen papa rihbi ta nete hihboma qui hihnicahbo qui.

Hahnibo 19:17

Efeso jema janin jihuetai judiobaan ta jaa joi nincanishqui jatihixonbi. Judiomabaan rihbi jatihixonbi nincaquin. Nincacax ta hihti raquescacannishqui. Noquen Hihbo Jesus hihti coshi honancanquin.

Galatabo 1:24

Hea noquen Hihbaan teemascai honanax ta Hihti siri bi res tah min qui Papan, hihcannishqui.

Filipos 1:20

Criston hea coirantihi honanquin sirijaxon tah hen jaabo queenai quescajaquin hea jaahbaan bi hen sirijaquin shinanai. Raquexonma tah hen yohipahonihqui. Jascajaribiquin tah hen rahma rihbi coshihihnatai, Cristo heen hihbo hihqui honanahbo. Hea rehtehahbo bi tah hen tenetihi. Rehteyamahah cahen jihueparixon jascajaribiquin tenetihi, Cristo heen hihbo hihqui honanahbo.

Colosas 2:9

Cristo ta Papan shinanya qui, Papan coshiyahpa.

2 Tesalonicabo 1:10

Jaa noquen Hihbo jahuiya tah non noque huetsabo rahsixon jaa hihti coshi non jisyaxihqui, nete hihbo. Hihti coshihiya tah non rahte rahteyaxihqui, jahuen joi nincacoinnihbo. Mato rihbi tah man janobi hihtihi, non yohihah nincacoinnish.

2 Tesalonicabo 1:12

Jascapahboxon tah man jato noquen Hihbo Jesucristo hihti shinanyahi man jismatihi, mato rihbi jahuen shinanyahpabo jisíbo. Noquen Papan ta mato jascajaxonihqui, noquen Hihbo Jesucristonen rihbi.

1 Pedro 2:9

Jaabo jascapahbo que bi ta Papan caisaibo mato qui. Quiquin hapo bebonxon yohuanxonnicahbo sca tah man qui, Papa Dios qui jonibo nocomanoxon. Papan jonibo sca tah man qui, jahuen baquecoinbo sca. Bahquish chian man jihuetai bi ta mato quenanishqui, jahuen siri xabapan man jihuenon. Noque ta sirijaquin hahxonihqui, hih man janon yohihi.