Juan 14:21 - Capanahua

²¹ Hen yohihi honanxon nincacoinaibaan ta hehon shinannicabo qui. Hehon shinanaibohon ta heen papan rihbi jatohon shinanihqui. Hean rihbi hen jatohon shinanai. Jaabaan hea honannon hihxon tah hen heen yora hean jato jismatihi —jato jaquin Jesusen.

Juan 14:21 Iomraidhean Croise

Lucas 11:28

Jascajaha sca: —Jaama bi ta Papan joi nincaxon bihcoinaibo caya, hahan jenimati jaiqui —hahquin.

Juan 14:15

Hehon shinanxon tah man hen mato yohihi man hahtihi.

Juan 14:18

Jaabiyahpa cayama ta jai. Joribiyanoxon tah hen cahi.

Juan 15:14

Hen mato yohihi quescajaquin hahcaibo tah man heen hahbe rabetibo qui.

Juan 16:14

Hea nete hihbohi honanahbo ta yohiyaxihquiqui. Hean yohihi joibo bihxon ta jaan mato honanmayaxihquiqui.

Juan 16:27

Man hehon shinanxon heen papa janinhax hea joní man shinancoinai copi ta matohon shinanihqui.

Juan 17:23

Jato betan tah hen jihuetai. Hehbetan rihbi tah min jihuetai, jaabo rihbi huesti yora siripi jihuenon. Jascaraiya ta min hehon hihti queenai quescarihbihi, hea raanax min jatohon hihti queenai mai mehabaan honanyaxihquiqui.

Hahnibo 22:18

Histon Jerusalen janinhax carihue. Hean hen jato hahxonai min jato yohihah ta nincayamaxihcanihqui, hea jaquin.

2 Corinto 12:8

Jaa hea potamahue Hihbon, hen quimisha coti jaá bi ta hea yohinishqui: Heen shinanyaxon tah min tenetihi. Miin coshiyaxon bi tah min tenetimahi. Heen coshiyaxon min tenehiya ta heen shinanyaxon min tenehi sirijaquin honantihcanihqui, hahquin. Jaa copi tah hen hihti jenimahanan, Henabi tah hen coshi yamahi, hih hen jatihi, Criston shinan bihnoxon.

2 Corinto 3:18

Noque rihbi bebepohxonma sca ta bejisihti jisquin hahcajaxon noquen Hihbaan xaba jisish, jan hihqui quescarihbi noque jatihibi jatihi, hashoan xaba shinan hanicanahi. Noquen Hihbaan Yoshin noquen jointi janin teetaiya ta jahuen xaba noque qui mahnecanahihqui.

2 Corinto 4:6

Bahquish chian xaba jahue, hah noquen Papan janíxon ta jaan rihbi noquen jointibo xabajahiqui, xabapan jismahah Cristo bejisquin hahcajaquin non noquen Papa Xaba Hihbo honannon.

2 Tesalonicabo 2:16

Noquehon shinanxon ta Papa Diosen noque jahuentianbi queyotimahi hahan sirijaquin shinanti noque hinanihqui. Hahan jointi sirijahti noque hinanquin.

2 Timoteo 4:22

Noquen Hihbaan mia sirijaquin mananon yocaxonxon tah hen jan mato shinan rihbi hinannon hen mato yocaxonai.

1 Juan 2:5

Noquen Hihbaan noque yohihi quescabijaquin hahcaibo ta noquen Papahon shinancoinnica qui. Jasca coin tah qui. Jascajaquin tah non non hahbetan hihqui non honanai.

1 Juan 3:1

Noquehon hihti queenxon ta Papan noque Heen baquebaan hahquiqui. Jaa coin tah non qui. Noquen Papa honanyamaxon copi ta noque rihbi honanyamacaniqui, Papanahmabaan.

1 Juan 5:3

Papahon shinanquin tah non jan yohihi quescabijaquin hahtihi. Jan noque yohihi ta teema qui.

2 Juan 1:6

Noquen Hihbaan noque yohini quescabijaquin hahnicahboxon tah non joni huetsahon shinanscai. Man nincamenoni quescabihi ta jan noque yohini joi qui, non joni huetsahon shinani jihuenon.

Jayaxihquibo 2:17

Nincacoinaibaan nea honannon hihquish ta Dios Yoshin yohuanihqui. Hahan nincati pabinquiyahpaxon nincacoinnahue. Jaabo mato chitíhihmayamanahue. Man tenehax chitíhihyamahiya tah hen tsoan honannihma maná piti mato hinanyaxihqui. Macan bero joxoni pishca rihbi tah hen hinanyaxihqui, maton jane behnaya macanbo, tsoanbi jaa jane honanahma, jaa macan bichi huestichin honannon.

Jayaxihquibo 22:14

Jaton chopa pahtsacaibo ta hahan jenimati jaiqui. Jaabaan ta hahan jihueti jihui quiha piti hahtipahiqui. Jaabo ta jema xehquibo janin hihconicabo qui.

Jayaxihquibo 3:20

Maton xehqui janin nihxon tah hen quenahi. Hen quenahi nincaxon man quehpenxonaiya tah hen hihcoxon mato betan pinoxihqui, maton rihbi man hehbetan pinon.