Juan 12:13 - Capanahua

¹³ Honanax binon pehi bihbahinax Jesus behchihi bocani. Quenacanahi bocani: —Hosanná. Nete hihbaan raanai joni ta jahuiqui, israelibaan quiquin hapo. Papan shinanyahpa tah qui —hihcanahi bocani.

Juan 12:13 Iomraidhean Croise

Mateo 23:39

Man tah man hea jisyamascatihi. Hea hahquirihbi jahui merahax tah man Papan shinanya ta joxonihqui. Papan janen ta jorescaiqui hih tah man jayaxihqui. Hen joyaxahnon caman tah man hea jisyamascatihi —jato jaquin.

Mateo 27:42

—Huetsabo jihuemati hahtipahxon bi ta hahri jihuemati hahtipahyamahiqui. Israelibaan quiquin hapo hihquish, jan coros janinhax botopaquenon. Jaatian tah non nincacointihi.

Juan 1:49

—Mia tah min Papa Diosen baque qui, Maestron. Mia tah min israelibaan quiquin hapo qui —hihscai Natanael.

Juan 12:14

Jascahibaan bi cabacho baque merahax jaa cahtsahotax Jesus jahui. Jan jascanon ta huishani joi jaiqui:

Juan 12:15

Raqueyamanahue, Sion jema baquebon. Maton quiquin hapo ta jahuiqui, cabacho baque cahtsahotax.

Juan 19:15

Jascahiya sai saihihscacani: —Rehtehue. Rehtehue. Jihuin hueonhue —hihcani. —¿Maton quiquin hapo hen jihuin hueontihin? —Pilatonen jato jaquin. —Cesaro huesti ta noquen quiquin hapo qui, huetsama —hihcani sacerdote hapobo.

Jayaxihquibo 15:3

Jaa hian quenichi Moises behuaya behuacani, Papa Diosen joi yohinicaxon Moisesnin huishani behua. Carnero qui behuacani nescari: Mian hahcai ta hanibo qui, Hihbon. Hahqui raquetibo tah min hahcai. Mia tah min noquen Hihbo Dios qui, jatihibi hihbo. Miin bahibo ta pontebo bahi coinbo qui. Jatihibi jonibaan quiquin hihbo tah min qui.

Jayaxihquibo 19:16

Jahuen chopa qui huishá cahen jane jai, jahuen quishi qui jascarihbihi. Jaa jane cahen hapobaan quiquin hapo, hihbobaan quiquin hihbo.

Jayaxihquibo 7:9

Toponaibo nincaxon hen jisí bi tsamá jonibo sca jai, hihti caibo, tsoan toponquin queyonihma. Jatihibi mai mehabo, jatihibi jonibaanahbo, jatihibi huean mehabo, jatihibi joiyahpabo. Noquen Papa Dios bebon nichibo sca, jahuen carnero bebon nichibo. Joxo chopa sahuehibo rahsi. Jepe pehi xecohibo rahsi.