Hebreobo 1:8 - Capanahua

⁸ Jahuen baque yohihi cahen nescari: Jascabi sca tah min jatihi, Diosen quiquin hihbo. Miin hihboti ta jahuentianbi queyotimahiqui. Hahan ponteti shinaman tah min miin jihuetahbo jihuemahi.

Hebreobo 1:8 Iomraidhean Croise

Mateo 1:23

Jaabaan huishani ta nea qui: Jisnahue. Bebaan honanahma bi ta xontaco tohoxon baque bihyaxihquiqui. Cainscaiya ta Emmanuel jaa janeyaxihcanihqui. Emmanuel ta Papa Dios ta noque betanbi hihquiqui hihcatsihquiqui.

Lucas 1:75

Jaa yohicoinnixon tah min noque hahxoncoinscai, Papan. Sirijaquin shinanhahnan sca non janon. Tiroma shinanjomabo non jihueti hahtipahscanon. Mahuanoxon caman non jascabi sca mia shinanhahnan jihuenon tah min noque hahxonai, Papan Papa Dios jaxon, jahuen baquexo rihbi sca Zacaríasnen yohiquin:

Juan 10:30

Heen papa betan tah hen huesti yora qui —jato jaquin Jesusen.

Juan 10:33

—Min siribo hahcaima bi min Papa Dios qui tiromahi yohuanai copi rahan. Mia jonihax bi Diosax quescapi yohuanai copi —hahcanquin.

Juan 20:28

—Heen hihbo, heen Dios —hihscai Tomas.

Romanobo 9:5

Jaton xohta xenibo ta Papan caisnihbo rahsi janishqui. Caisxon ta jato yohinishqui, jaton chinibaquebo jan hahxontihi yohiquin. Cristo rihbi ta jaton caibo qui, Quiquin Hihbo. Jaa ta noquen Dios qui. Jaa yohihi tah non Mia tah min Xaba Hihbo qui, Hihbon, hihqui. Jascacoini rahan.

1 Corinto 15:25

Jatihibi miin rahuibo namanjaxon queyohue Papan jaah ta Criston jato queyobahinyaxihquiqui, jato namanjaquin.

1 Timoteo 3:16

Papan yohinihxonma bi rahma noque nincamahi joi ta hahan rahteti qui, tsoan nincanihma joi. Jasca coin tah qui. Yorayahpahax ta Cristo cainnishqui. Ponte shinanya jan hihqui ta Dios Yoshiman sca noque jismanishqui. Jan main nichi ta Papan yonotibaan jisnishqui. Judiomabo sca ta jahuen joi yohicaniqui jahuen jihuetahbaan. Nai namanxon ta nincacoincaniqui. Naihohxon sca ta Papan bihinihninishqui.

2 Pedro 1:11

Jaatian sca tah man siri bi res noquen Hihbo Jesucristo qui catihi. Noque jihuemanicahton mato jano jascabi sca jihuemayaxihqui janin tah man siri bi res hahqui nocotihi.

1 Juan 5:20

Noquen Papa coin non honannon ta jahuen baque jonishqui, shinan noque hinani. Jaa noquen quiquin Papa betan tah non hihqui. Jahuen baque Jesucristo betan rihbi tah non hihqui. Non tah non honanai. Noquen Papa ta Dios coin qui. Jaan jihuemaha tah non queyoyamanox manascai.