Hahnibo 6:14 - Capanahua

¹⁴ Joxon ta nea xobo Jesus Nazarenon potojaquetanxon noquen hihti quescayamascai non jihuenon Moisesnin joi rihbi huetsajayaxihquiqui hah ta jaipishqui noquen nincanonbi —hihcani.

Hahnibo 6:14 Iomraidhean Croise

Mateo 26:61

—Toa joni tah non yohuanai nincaquipiqui. Papan xobo tah hen potojaquetanxon quimisha neten hahquirihbi jaa xahnen xobojati hahtipahi hih ta jaipishqui —hihcani.

Marcos 14:58

—Nea mequeman xobojanihbo Papan xobo tah hen potapaqueyaxihqui. Quimisha neten potahipixon tah hen huetsa rihbi sca xobojayaxihqui, mequeman hahcahma sca, hih ta jaipishqui noquen nincanonbi —hihcani.

Lucas 21:24

Sontarobaan ta hicha jonibo rehteyaxihquiqui. Jato bihxon rihbi ta jatihibi nahuabaan main jato borestihiqui. Nea Jerusalen rihbi ta nahuabaan hihbojayaxihquiqui, jaton nete senennon caman.

Lucas 21:6

—Nea man jisi xobo ta potojaquetanyaxihcanihqui. Ni huesti macanbi ta huetsa cahtsahotimascatihiqui. Potaquin ta ni huestibi pishinmayamayaxihcanihqui —jato jaquin.

Juan 2:19

—Nea xobo potojaquetannahue, quimisha nete huinoxon hen jaa xahnenenbi hahribinon —Jesusen jato jaquin.

Juan 4:21

Jesusen sca: —Hen mia yohihah nincacoinhue, haibon. Papahon shinanaibaan ta nea mahchinxonma bi Jerusalen janinxonma rihbi noquen Papahon man shinanyaxihqui.

Hahnibo 15:1

Jaatian Jerusalen janinhahbo sca joxon noquen huetsabo yohiquin: —Moisesnin yohini quescabijaquin honantijayamahah tah man hahquirihbi teehihtimahi —hahcanquin.

Hahnibo 21:21

Mian roqui min hochó jabisnihbo noquen caibo mian honanmahi Moisesnin joi jenebahinnon. Jaton baquebo honantijayamati roqui mian jato yohihi. Moisesnin yohini quescayamascarihbihi jihuenon roqui mian jato yohihi. Jascaraibo ta nincacaniqui.

Hahnibo 25:8

Jaatian: —Noquen xenibaan joi qui tah hen hohchayamahi. Papa Diosen xobo qui rihbi tah hen hohchayamahi. Cesaro qui rihbi tah hen tiromayamabiresai —Pablonen jaa jaquin.

Hahnibo 26:3

Jenquetsih noque judiobo jihuetain, mian tah min honanquin sirijahi. Non yohinanai joi tah min hashoan honanai. Jaa copi hea tenexon hen mia yohihi nincarohahue.

Hahnibo 28:17

Jan nocotipi quimisha neten sca judiobaan hanibo Pablonen quenamaquin. Tsinquitaiton sca jato yohiquin: —Noquen caibo qui tah hen jahuabi tiromajayamaniqui, hea huetsabaan. Noquen papabaan joi qui tah hen jahuabi tiromajayamarihbihi.

Galatabo 3:19

¿Jascaraiya jahua copi sca Moises huishamanishquin? hih ra tah man jai. Jaa joi ta hahan honanti qui, jenquetsahpa tiromanicahbo non quin non honannon. Jahuen quiquin baque jonon caman res jaa joi nincacahbo ta Moises huishamanishqui, jan hinantijani jahuen baque noconon caman. Jahuen yonotiboyaxon ta Moises nincamanishqui, yohinicahxon Moisesnin sca jahuen caibo yohinon. Hicha yohihibo jaiya ta yohuanxonnica hihquitihiqui.

Galatabo 3:23

Jesucristo qui hinamehti noque yohiyamaparixon ta Moises pari Papan huishamanishqui, jaa joi jai quescabijahi non jihuenon. Jasca tah non japahoniqui, noquen Hihbo qui hinamehti noque yohiscanon.