Hahnibo 27:1 - Capanahua

¹ Italia mai janin sca non nontin canon ta hapobaan yohinishqui. Yohihiya ta Pablo, jahuen hahbe sipojanibo rihbi Julio janeya capitanen jato coirannishqui, jato coirani cahue hapon jaah. Jaa capitan cahen Augusto janeya tsama quiha.

Hahnibo 27:1 Iomraidhean Croise

Mateo 27:54

Jesus mahuataiya jascapa huinotai jisish ta jano coiranai sontaro capitan hihti raquenishqui, jahuen sontarobo rihbi hihti raqueti. —Jaa ta Papan baque coin hihnishqui —hihcani.

Lucas 23:47

Jatihibi jisish jano nichi sontaro capitan sca yohuani: —Papa Diosen ta jisiqui. Nea joni ta siri joni hihquishqui —hihqui.

Lucas 7:2

Jano ta huesti sontaro capitan rihbi jihuenishqui. Hahan jan hihti shinanai jahuen joni jai bi jaa jahuen joni hisini. Mahuati hisini racati.

Hahnibo 10:1

Cesarea jema janin ta sontaro hapo japahonishqui Cornelio janeya. Cien sontaroboyahpa hapo. Italiano hahcaibo cahen jahuen sontarobo.

Hahnibo 10:22

—Noquen hapo ta Cornelio qui, cien sontaroboyahpa. Sirijaquin shinanai joni tah qui. Noquen Papahon shinanai. Jatihibi judiobo ta jahan jenimahiqui. Jaa ta Papan yonotinin yohihipishqui, Jonibo raanhue, hahquin. Mian yohihi joi jan nincanon hihquish tah non mia bichi jahui jahuen xoboho min catannon —hahcanquin.

Hahnibo 16:10

Namayama sca jan jaiya jenquetsahax non Macedonia janin caman pohquetihin hihxon hahan pohqueti benaquin noquen. Non jano jahuen joi siri yohihi canon Papan noque quenahi tah non honanquin sirijaniqui.

Hahnibo 18:2

Jano ta huesti judio meranishqui, Aquila janeya. Jaa ta Ponto mai janinha joni hihpahonishqui, jahuen haibo betan Italia janinhax jahuex nocotipi. Claudio quiquin hapo hihxon Roma jema janinhax jatihibi judiobo picoti jaan yohihiya janohax Aquila jahuipi. Jato jisi sca Pablo cahi.

Hahnibo 19:21

Jaa pecabo cahen Jerusalen jema janin cati sca Pablonen shinannish. Macedonia mai nabebacahini cahax Acaya mai rihbi nabebacahini cahax Jerusalen jema janin nocoti shinanquin. Janohax tah hen Roma jema janin catihi hihqui.

Hahnibo 21:32

Sontarobo quenamaxon jaton capitanbo rihbi histon quenamaxon jato betan jema janin hishtocahinquihrani sontaro tininti jahui. Jaton hapo betan sontarobo jahui honanxon Pablo rishquiquin jenebahinscacanquin.

Hahnibo 22:26

Jan yocacai nincacax hapo janin caxon capitanen yohiquin: —¿Jahueja min jacatsihquin? Jaa ta romano joni qui —hahquin.

Hahnibo 23:11

Jascajahipi huesti neten sca yame Pablo janin noquen Hihbo sanarenenxon: —Raqueyamahue. Neno Jerusalen jema janinxon min hehqui jato yohicoinai quescajaribiquin tah min Roma jema janinxon jatihi —hahquin.

Hahnibo 23:17

Jaan sca capitan quenaquin. Jahuiton: —Nea beronan miin hapo janin hioxonhue jan nincabehnanai jan yohitannon —hahquin.

Hahnibo 24:23

Jascajaxon capitan sca yohiquin Pablo coirannon. Jan xoboho nihnon, jahuen amicobo rihbi pitibo hinani hihcocatsihquiya jato hihcomanon capitan yohiquin.

Hahnibo 25:12

Feston sca jahuen yanapannicahbo betan yohuantahxon: —Cesaro qui hea raanhue hah tah min jai. Hahqui sca tah min catihi —hahquin Feston.

Hahnibo 25:25

Jaabi tah hen jahua copi casticanxon rehteti merayamahipiqui. Cesaro janin hen raannon hihxon hea yocacah tah hen raanti sca shinanipiqui.

Hahnibo 27:11

Pablonen yohihah bi ta capitanen nincayamanishqui. Jaabi canon cahue nonti hihbo jaiya, nonti chibinica rihbi jascaraiya ta capitanen jato nincanishqui.

Hahnibo 27:43

Rehtecatsihscaibaan bi Pablo jihuemacatsihxon capitanen jeenhahyamaquin. Nonati honanaibo pari jenenencanya cayahax nona nonahi mai qui canon sca jaan yohiquin.

Hahnibo 27:6

Jano ta Alejandría janinha nonti noquen sontaro capitanen meranishqui. Italia mai janin jaa nonti cacatsihquiya hahqui sca noque nanebohanquin.

Hahnibo 28:1

Main sca nihxon tah non jaa mai jane Malta honannihqui.

Hahnibo 28:16

Roma janin non nocotaiya ta hahmebi Pablo jihuemacannishqui jahuen coirannica sontaro betan.

Hebreobo 13:24

Maton pastorobo jatihibi hea yohixonnahue, man jascabi jayamahin hahquin, noquen huetsabo jatihibi rihbi. Neno Italia mai janin jaibaan ta mato qui salud raanihqui nea huishayaxon.