Hahnibo 24:5 - Capanahua

⁵ Nea joni ta hisin pahe quescapah qui. Non tah non honanscai. Jatihibi main jihuetai noquen caibo ta jaan rainyamamahiqui, noquen quiquin hapobo non potanon hihxon. Jaa ta nazareno joi chibanaibaan hapo qui.

Hahnibo 24:5 Iomraidhean Croise

Mateo 10:25

Maton haxemanica tiromajapahoniboya mato rihbi sca jascajahibaan bi jenimanahue. Maton hihbo tiromajapahoniboya mato rihbi jascajahabaan, heen hihbo jascáhahnibo quesca cahra hea jacanihquin hihquish jenimanahue. Tiroma yoshiman hah ta hea jacanihqui xobo hihbo que bi. Hea jascajahiboya ta mato heen teexonnicahbo hashoan rihbi sca jacantihiqui.

Mateo 2:23

Nocotax Nazaret janeya jema janin sca jihueti. Jano Jesus jihuescai copi ta Papan huishani joi quescabihi janishqui. Jaa ta Nazareno hihyaxihquiqui hihqui jaa huishani joi.

Marcos 1:24

—¿Min noque jahuejatihin, Nazaret janinha Jesusen? ¿Min noque queyohi jahuin? Min tsoa quin hen ta hen honanai. Diosen raanai tah min qui —hahquin yoshiman.

Lucas 23:19

Barrabasnen ta jaton jema janinhahbo sinamaxon rehtenanmanishqui. Jaa copi ta sipo xoboho jaa tsahoncannishqui, jan joni rehteni copi rihbi.

Lucas 23:2

Janoxon sca quesa cahecanquin. —Nea tah non noquen caibo hihbojacatsihquiton merahahquin. Quiquin hapo Cesaro copijayamahabo ta jato haxemahiqui. Quiquin hapo Cristo jan hihqui ta yohirihbihiqui —hahcanquin.

Lucas 23:25

hoa joni rehtenica sca jato picoxonquin, jaabo queenai quescajaquin. Rehtenanmanica joni picoxonxon bi Jesus jato hinanquin, jaabo queenai quescajahabo.

Lucas 23:5

Coshi coshixon sca: —Neatohon ta jonibo sinamaxon coromahiqui. Judea mai janin jatihibincon nihxon ta jato jascati haxemahiqui. Reboqui Galilea janin pehocohnish ta neno caman sca jahuiqui, jascati honanmabenahi —hahcanquin.

Hahnibo 15:5

Fariseoboxon bi nincacoinaibo sca nihrenenxon yohiquin: —Jato honantijaxon Moisesnin yohini quesca jaahbo tah non jato yohiti jai —hahcanquin.

Hahnibo 21:28

Coshin sca quenacanquin: —Noque yanapannahue, noque caibon. Nea ta jatihibi janin nihxon noque qui tiromahi yohuanai joni qui. Nea ta Moisesnin joi qui yohuanihqui. Nea xobo qui tiromahi yohuanrihbihi. Jascajahax ta Pishin pari ta jaiqui hihquish, Papan xoboho nahuabo rihbi mapemaxon nea mequexonti xobo rishtajahiqui —hahcanquin.

Hahnibo 22:22

Jano caman res nincacanquin. Jaton nahuabo yohihi Pablo catihi nincacax coshin sca sai saihihcani: —Jascapa joni main yamascanon rehtenahue. Jascapah ta jihuetimahiqui —hihcani.

Hahnibo 24:14

Min honannon hihxon tah hen mia yohihi. Heen papabaan Papa Dios tah hen shinancoinai. Moisesnin huishani joi jatihibi, Papan joi yohinicabaan huishani joi jatihibi rihbi tah hen nincacoinai. Criston bahin caxon tah hen nincacoinai, jaa bahi cahen nazareno joi neabaan yohihi.

Hahnibo 24:4

Jaabi tah hen mia hashoan jatsanjacatsihyamaxon hen mia pishca yohicatsihqui. Siri joni hihxon min hahcai quescajaquin hea nincarohahue, hen mia yohinon.

Hahnibo 25:7

Quenamaha nocotaiya Jerusalen janinhax nocotipi judiobo jaa nihaquehtancahuani. Hicha hahqui yohuancani. Jaa ta hihti tiroma qui, hihcani. Jascaxon bi hihcoinaibo jismati hahtipahyamacanquin.

Hahnibo 26:5

Hihcoini yohuancatsihxon ta mia yohixihcanihqui. Fariseohax tah hen fariseobaan shinanai quescari hen basi jihuenihqui. Moisesnin yohini quescari caibo judiobo jihuetai bi ta fariseobaan hihti nincacoinax jihuenicabo qui.

Hahnibo 28:22

Jaa Jesusya joihibo qui ta jatihibi janin tiromahi yohuancaniqui. Jaa tah non honanai. Jaa copi tah non miabi yohuanmacatsihqui —hahcanquin.

Hahnibo 5:17

Jasca sca jaiboya jaton quiquin sacerdote jahuen hahbe saduceobo betan notsi notsiscai.

Hahnibo 6:13

Quesamisbo sca yohuanmacanquin hahqui yohuanahbo. —Jaa joni ta nea Papan xobo qui tiromahi yohuanihqui. Noquen Moisesnin huishani joi qui rihbi tiromahi yohuani. Tiromahi yohuani ta tantiyamahihqui.

1 Corinto 11:19

Jahuemehabaan sirijaquin shinanihquin honanahbo rah tah man jascari joi bichinnanai.

1 Corinto 4:13

Noque qui tiromahi yohuanaiboya noquen sirijaquin jato yohuanquihnquin. Rishtaya quescapahbo ta noque jiscanihqui. Jatihibi jonibo mentan hashoan tiromabo quescapahbo ta noque jiscanihqui.

1 Pedro 2:19

Man siripi jihuetai bi tiromajaquin shinanxon caibaan mato casticana bi noquen Papahon shinanxon man teneresaiya ta Papan mato siri jisiqui.